Хаайыылаахтар Дьокуускайга Юрий Гагарин аатынан тулаһаҕа ыскамыайкалары уонна бөх быраҕар урналары оҥордулар

Куорат олохтоохторо уонна Эрэгийиэн киин куоратын ыалдьыттара саҥардыллыбыт тулаһаҕа сынньаныахтара.

Дьокуускайга Юрий Гагарин аатынан тулаһаҕа хаайыылаахтар ыскамыайкалары уонна бөх быраҕар урналары оҥордулар. Бу туһунан Арассыыйа УФСИН-ын өрөспүүбүлүкэтээҕи пресс-сулууспата иһитиннэрэр.

Кыра архитектурнай формалар хаачыстыбалаах матырыйаалтан, сакаасчыт эскиизтэринэн 1 №-дээх көннөрөр холуонньа тимир уонна мас уһанар учаастактарыгар оҥорулуннулар.

Куорат олохтоохторо уонна Эрэгийиэн киин куоратын ыалдьыттара саҥардыллыбыт тулаһаҕа сынньаныахтара. Уопсастыбаннай миэстэлэри киэргэтии "Формирование комфортной городской среды" федеральнай бырайыагынан ыытыллар, бу бырайыак "Инфраструктура для жизни" национальнай бырайыак иһинэн оҥоһуллар.