Киир

Киир

2012 сыллаахха “Алмазик”  уһуйааннары сүрүннүүр, Евгений Болохонскай салайааччылаах “Автономная некоммерческая дошкольная образовательная организация” диэн тэрилтэ баар буолбута. Бу тэрилтэни “АЛРОСА” самалык тэрилтэ курдук “үөскэппитэ”.

Бу сылтан ыла Мииринэй 30-ча дьыссаата АН ДОО “Алмазик” тиһигэр киирдилэр. Бу тэрилтэ Мииринэй оройуонун бүддьүөтүгэр уонна “АЛРОСА” хампаанньа үбүгэр-харчытыгар үлэлиирэ чопчу быһаарыллан турар. Ити курдук, үптэрэ быһаарыллан, балаһыанньалара уруккутааҕар тубуста, чиҥээтэ.

det cad3

Итинэн көрдөххө, дьыссааттарга болҕомто улахан. Тоҕо диэтэххэ, хампаанньа да, бүддьүөт да үлэһиттэрин оҕолорун дьыссаатынан хааччыйыы – эппиэттээх сорук. Тэҥнээн көрдөххө, Дьокуускай куоракка дьыссаат боппуруоһа билигин да ыарахан. Мииринэйгэ икки таас дьыссаат тутулланнар кыһалҕа намыраата. Дьыссааттарга миэстэ билигин баар. Урут дьыссаат төлөбүрэ сиэрэ суох ыарахан буоллаҕына, билигин Мииринэй оройуонун үрдүнэн аччаан турар. Төлөбүр бары дьыссааттарга тэҥ буолла.

det cad2

АН ДОО “Алмазик” дьыссааттарыгар Мииринэй оройуонун үрдүнэн үлэһиттэр ирдэнэллэр. Бастатан туран иитээччилэр, успуорт инструктордара, психологтар, логопед-учуутал, муусукаҕа уһуйааччы, эмтиир сиэстэрэлэр. Кытаатыҥ, ыйыталаһыҥ.

Станислав Алексеев, Мииринэй к., ааптар хаартыскалара.

Тарҕат:

Санааҕын суруй