Киир

Киир

2020-2021 сылларга, 740 эрдэ туох да үөрэҕэ суох буруйданааччы, Арассыыйа УФСИН-ын хайысхатынан 317 №-дээх уонна 318 №-дээх профессиональнай үөрэх тэрилтэлэригэр үөрэнэн, араас идэни баһылаатылар. Үөрүүлээх быһыыга-майгыга кинилэргэ үөрэмиттэрин туһунан туоһу суруктар уонна дипломнар туттарылыннылар.

Дьону сүүмэрдээннэр салгыы маннык идэлэргэ үөрэттилэр: тутааччы-столяр, массыына өрөмүөннүүр силиэсэр-элиэктирик, силиэсэр-сантехник, маһы таҥар станок үлэһитэ, каменщик, электрооборудованиены өрөмүөннүүр элиэктирик, бетонщик, сварщик, асчыт, иистэнньэҥ, обувщик уо.д.а.

IMG 5233

Ону таһынан, анал орто үөрэх бырагыраамматынан үөрэтии түмүктэннэ. 47 буруйданааччы, Worldskills Россия стандартынан эксээмэн туттаран, уопсай тутуу маастарын идэтин баһылаатылар.

Сууттаммыт дьон ылбыт профессиялара бүгүҥҥү күннээххэ үлэ ырыынагар олус сытыытык ирдэнэр идэлэр, онон, буруйдарын толору боруостаан көҥүлгэ тахсыбыт дьон уопсастыбаҕа киирэллэригэр уонна социальнай адаптация ааһалларыгар – бу төһүү күүс, тирэх буолара туох да  саарбаҕа суох.

Арассыыйатааҕы УФСИН Саха сиринээҕи пресс-сулууспата

Тарҕат:

Санааҕын суруй

Бүтэһик сонуннар