Киир

Киир

Атырдьах ыйын 16 күнүгэр Ил Дархан Айсен Николаев ойуур баһаардарын тула суһал ыстаап мунньаҕын тэрийэн ыытта. Онно МЧС салайааччытын бастакы солбуйааччыта Александр Чуприян кытынна.

Ил Дархан кэккэ улуустарга күүстээх ардах түһэн абыраан, аһаҕас уот намыраабытын ситэ туһанан, хаалбыт баһаардары күүскэ умулларан тохтото охсорго ыҥырда. Балаһаыанньа дириҥии илигинэ хамсанан хааларга эттэ. Киин уонна арҕааҥҥы улуустарга күүстээх ардахтар түстүлэр. Бүгүн Горнай улууһугар, Бүлүү бөлөххө, Ленскэй улууһугар итиэннэ киин уонна илин эҥээр улуустарыгар сорох сиринэн ардахтыа диэн күнү-дьылы кэтээн көрөөччүлэр үтүө сонуннаахтар.

Көлө миниистирэ Владимир Сивцев Дьокуускай аэропордун балаһатын оҥоруу түмүктэммитин эттэ. Чинчийиилэр балаһа сөптөөхтүк кытааппытын көрдөрбүттэр. Бүгүн күн устата балаһаҕа сигнал биэрэр умайар тэрили туруоруохтара, бэлиэлэри ууруохтара, ону өссө биирдэ бэрэбиэркэлиэхтэрэ. Ол кэннэ Ростехнадзор уонна Росавиация көҥүл биэрдэхтэринэ БЕ-200 сөмөлүөт кэлиэҕэ.

Бүгүн ардаҕы аҕалар "Циклон" сөмөлүөт (Авиалесоохрана киэнэ) Бүлүүгэ, Ньурбаҕа, Бэрдьигэстээххэ үлэлиэҕэ, маны таһынан Томпо уонна Уус Майда улуустарыгар үлэлиир былааннаах.

Тарҕат:

Санааҕын суруй

Бүтэһик сонуннар