Ил Дархан Айсен Николаев бу сарсыарда күн бастакы аҥаарыгар Горнай Бэс Күөлүгэр үлэлээбитэ. Онтон күн иккис аҥаарыттан Чурапчы улууһугар тийдэ. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
Кини Улахан Эбэҕэ илин эҥээр улуустарыгар кыстыкка бэлэмнэнии, от хампаанньатын тула мунньаҕы ыытыаҕа. Ол кэннэ Мэлдьэхсигэ олохтоохтору, дьаһалта үлэһиттэрин уонна баһаары бохсооччулары кытары көрсүөҕэ.
