Киир

Киир

Саха сириттэн 16 выпускник Омскайдааҕы гражданскай авиация  летно-тэхэньиичэскэй колледжыгар бүддьүөт миэстэтигэр үөрэнэ киирдилэр. Бу туһунан "Полярные авиалинии" пресс-сулууспата иһитиннэрэр.

"Кинилэр бары быраастар кытаанах тургутуктарын, доруобуйаларынан көтөргө бэлэмнээхтэрин дакаастаан уонна физическэй туруктарынан нормативтары этэҥҥэ туораан киирдилэр. Үөрэххэ ылыы аттестат орто баалынан сыаналаммыта", - диэн иһитиннэриигэ суруллар.

Кинилэр үөрэхтэрин этэҥҥэ бүтэрдэхтэринэ "Полярные авиалинии" хампаанньаҕа үлэҕэ киириэхтэрэ уонна Ми-8 бөртөлүөтүнэн көтүөхтэрэ. Бырабыыталыстыба уонна авиахампаанньа өссө 2019 сылтан "Ыччаты — авиацияҕа" диэн идэҕэ туһаайар бырайыагы үлэлэтэр. Быйыл да бу бырайыак иитинэн үөрэххэ киирдилэр. Бырайыак чэрчитинэн Саха сириттэн 28 уол номнуо пилот, бортмеханик, авиатехник идэлэригэр ситиһиилээхтик үөрэнэ сылдьаллар.

Тарҕат:

Санааҕын суруй

Бүтэһик сонуннар