Алтынньы 12 күнүн сарсыардата куорат олохтоохторун халтараан суолунан көрүстэ. Сырыы кутталанна, бытаарда. Бөлүүн соһуччу хаардаан, тоҥорон, ириэнэх сыппыт суол килиэ мууска кубулуйан массыналар букатын бигээн сылдьаллар.
Күнү-дьылы билгэлээн көрөөччүлэр иһитиннэрэллэринэн, бүгүн сарсыарда 1 кыраадыс тымныы этэ, тыал арҕааттан сөкүүндэҕэ 1 миэтэрэ түргэнннээхтик үрэр. Бүгүн күн устата мөлтөх хаар түһүө, тыал сөкүүндэҕэ 3-8 миэтиргэ тиийэ үрүө, күүһүрэн ылар кэмигэр 13 миэтэрэҕэ тиийэ улаатыа. Күнүһүн 1 кыраадыс сылаас буолара күүтүллэр.
