Кириэс-Халдьаайы сэлиэнньэтигэр баабырдар баар буоллулар. Сиэмэх кыыл дьиэ кэргэнин нэһилиэк олохтооҕо Аграфена Акимова хаартан оҥорбут.
Аграфена Аркадьевна хаһыс даҕаны сылын хаартан Саҥа Дьыл бэлиэлэрин оҥоруунан дьарыктанар. Кини эриэккэс оҥоһуктарын көрөн олохтоохтор, чуолаан оҕолор үөрэллэр, кэлэн хаартыска түһэллэр. Маастар нэһилиэгин иһигэр ыытыллар араас күрэххэ куруутун кыттар уонна миэстэлэһэр. Бөтүүк сылыгар үчүгэй бэйэлээх бөтүүгү оҥорон кыайыылааҕынан тахсыбыта. Маны таһынан, кини өрөспүүбүлүкэтээҕи аһаҕас куонкурустарга эмиэ кыттар, Хаҥаласка ыытыллыбыт күрэскэ ситиһиилэммитэ уонна харчы бириискэ тиксибитэ.
Аграфена Аркадьевна хаартан оҥоһуктары ис сүрэҕиттэн оҥорор.
