Рособрнадзор быйыл СКЭни 77 саастаах киһи туттарбытын туһунан иһитиннэрэр.
1941 сыллаахха тохсунньу 18 күнүгэр төрөөбүт эр киһи математикаҕа, физикэҕэ профильнай эксээмэннэри туттарбыт.
Экэниэмикэ Үрдүкү оскуолатын үөрэх хаачыстыбатын кэтээн көрөр Киинин билимҥэ салайааччыта, Рособрнадзор урукку баһылыга Виктор Болотов “оҕонньор билиитин тургутаары туттарбыт” диэн сабаҕалыыр. Кини “77 саастаах номнуо кырдьаҕас киһи СКЭни кыайабын дуу, суох дуу диэн дьээбэрэн туттарбыта буолуо”, — диир.
Маны таһынан, быйыл оскуоланы 15 сыллааҕыта бүтэрбит Мария диэн Хабаровскай кыраай олохтооҕо математикаҕа 100 баалы уонна физикэҕэ 88 баалы ылбыт.
Быйылгы СКЭҕэ Москуба выпускнига Руслан Салимгареев түөрт биридимиэккэ 100-түү баалы ылан турар. Кини М.В.Ломоносов аатынан МГУга бионженерия уонна бионинформатика факультетыгар үөрэнэр санаалаах.
