Уһук Илин сайдыытын өйүүр эбии миэрэлэр тустарынан балаҕан ыйыгар Госсэбиэт мунньаҕар дьүүллэһиэхтэрэ. Инньэ диэн дойду бэрэсидьиэнэ Владимир Путин дьаһайда.
Ол курдук, оҕо төрөөһүнүн көҕүлүүр инниттэн ыал бастакы уонна иккис оҕолоро төрөөтөҕүнэ бэриллэр биир кэмнээх көмө харчы кээмэйдэрин улаатыннарар, оҕолоох ыал ылар ипотекатын бырыһыанын кыччатар боппуруостар көрүллүөхтээхтэр.
Итини сэргэ Госсэбиэт кыраныысса таһыгар олорор биир дойдулаахтарбыт Уһук Илиҥҥэ олохсуйа кэлэллэригэр судаарыстыбаннай бырагыраама чэрчитинэн тыырыллар көмө үп кээмэйин үрдэтэри-суоҕу, электроэниэргийэ тарыыбын Арассыыйа орто таһымыгар тэҥниир уо.д.а. боппуруоһу тобулуохтаах.
