Бэҕэһээҥҥиттэн Амма өрүскэ муус харан, уу таһыма муҥутуур киэлититтэн тахсан, хас да олорор дьиэ, тэлгэһэ ууга барда. Маны таһынан, суол-иис алдьанна. Улууска ыам ыйын 8 күнүттэн ЫБМ биллэриллибитэ. Билигин Аммаҕа бырабыыталыстыба оперативнай бөлөҕө үлэлиир.
Балаһыанньа хас мүнүүтэ ахсын уларыйа турар. Халааҥҥа хаайтаран олорор дьон иһитиннэрэллэринэн, билигин өрүс мууһа Соморсуҥҥа диэри харан турар. Бүтэһик мууһу дэлби тэптэрии улахан көдьүүһү биэрбэтилэр диэн биллэрэллэр. Билиҥҥитэ балаһыанньа чопчу чуолкайдана илик, социальнай ситимнэринэн араас иһитиннэрии тарҕанар. Онон халаан уута хайдах ааһан эрэрин, төһө хоромньу тахсыбытын чуолкайдыыр сыаллаах, быһаччы көрө-истэ сылдьар дьону, kyym.ru саайка киирэн, киэҥ эйгэ билиитигэр-көрүүтүгэр таһаараргытыгар, санааларгытын суруйаргытыгар ыҥырабыт. Бу уустук кэмҥэ саха дьоно аммаларга сүбэлэргитин, туох-ханнык көмө оҥоруоххутун сөбүн үллэстэргитигэр ыҥырабыт. Эрэдээксийэ иһитиннэриини тустаах уорганнарга тиксэрэн, хонтуруоллаан, ирдэһэн үлэлэһэргэ бэлэм. Эрэдээксийэ почтата: Этот адрес электронной почты защищён от спам-ботов. У вас должен быть включен JavaScript для просмотра.
