Халаан кэмигэр өрөспүүбүлүкэ үрдүнэн 53 тыһ. тахса сылга-сүөһү эвакуацияламмыт. Бу туһунан ТХМ пресс-сулууспата иһитиннэрэр.
Хороҕор муостааҕы уонна сыспай сиэллээҕи кэмигэр үрдүк сиргэ көһөрбүттэр. Мэҥэ Хаҥаласка 3593 сүөһүнү (уопсай ахсаантан 14%) уонна 3256 сылгыны (уопсай ахсаантан 20%) көһөрбүттэр. Оттон Амма улууһугар быстах кэмнээх хорҕойор сиргэ уонна уу ылбат үрдүк сирдэргэ 6 484 сүөһүнү (уопсай ахсаантан 49 %), 6210 сылгыны (уопсай сылгы ахсааныттан 51%) көһөрбүттэр. Чурапчы улууһугар 1 009 сүөһүнү (4%), 591 сылгыны (3%), Кэбээйи улууһугар – 457 төбө сүөһүнү уонна 385 сылгыны, Нам улууһугар 4056 сүөһүнү уонна 3066 сылгыны көһөрбүттэр. Уус Алдаҥҥа – 105 сүөһүнү, 757 сылгыны көһөрбүттэр. Уус Майда улууһугар – 311 сүөһүнү, 283 сылгыны, Хаҥаласка – 2296 сүөһүнү, 3049 сылгыны көһөрбүттэр. Инньэ гынан, ыам ыйын 20 күнүнээҕи туругунан, өрөспүүбүлүкэ үрдүнэн халаан ылбыт сирдэриттэн 26 537 сүөһүнү (уопсай ахсаантан 61% ), 26631 сылгыны (уопсай ахсаантан 73 %) быыһаабыттар. Эбэн эттэххэ, күн бүгүн Саха сиригэр уопсайа 62 383 сүөһү, 56 984 сылгы баар.
Маны таһынан, быстах кэмҥэ сылгы-сүөһү турар сирдэригэр сөптөөх аһылык саппааһа хааччыллыбыт.
Санатар буоллахха, өрөспүүбүлүкэ үрдүнэн 11 улууска 34 нэһилиэк халаан уутуттан эмсэҕэлээтэ. Онно 1 969 уһаайба, 902 олорор дьиэ ууга былдьанна (2 751 киһи, ол иһигэр 763 оҕо олорор). Билигин ууга 4 нэһилиэк – Өктөм, Хоточчу, Арбын уонна Кальвица олорор. Онно 164 уһаайба, 48 олорор дьиэ ууга былдьаммыт (106 киһи, ол иһигэр 35 оҕо олорор). 331 киһи көһөрүллүбүт (69 оҕо). Бу дьон бары аймахтарынан тарҕаммыт.
