Ил Дархан эбээһинэһин быстах кэмҥэ толорооччу Айсен Николаев Гаврил Кириллины тас сибээс миниистиринэн анаата.
Гаврил Витальевич Кириллин 2012 сылтан ыла Дьокуускай куорат дьаһалтатыгар тас сибээс отделын начаалынньыганан олорбута.
Санатар буоллахха, урукку тас сибээс департамена уларыйан, билигин министиэристибэҕэ кубулуйбута. СӨ Тас сибээскэ уонна норуоттар дьыалаларыгар министиэристибэтигэр судаарыстыбаннай бэлиитикэни олоххо киллэриигэ гражданскай уопсастыба институттарын сайыннарыы министиэристибэтин функциялара, маны таһынан, бу иннинэ араас тэрээһиннэри, улахан быыстапка-дьаарбаҥкалары тэрийиигэ, өрөспүүбүлүкэ экэнэмиичэскэй уонна инвестициялаах кыаҕын билиһиннэриигэ, арыйыыга үлэлэһэ олорбут инвестициялаах сайдыы уонна урбаан министиэристибэтин функциялара бэриллибиттэрэ.
