2019 сылга Саха сирин судаарыстыбаннай аппараатын оптимизациялааһынтан 500 мөл. солк. үбү өрөспүүбүлүкэ бүддьүөтэ экэниэмийэлиэҕэ. Бу туһунан Ил Дархан эбээһинэһин быстах кэмҥэ толорооччу Айсен Николаев ТАССка интервьютугар эттэ.
Санатар буоллахха, Айсен Николаев бу иннинэ бырабыыталыстыба тутулун уларыппыта, 35 толорор уоргантан биэһин ылан суох оҥорбута уонна 170-тан тахса эрэгийиэннээҕи чунуобунньугу сарбыйбыта.
“Ил Дархан уонна бырабыыталыстыба аппараатын 8 % сарбыйдым. Онтон өрөспүүбүлүкэ бүддьүөтүгэр эһиилгиттэн 500 мөл. солк. экэниэмийэ тахсыаҕа”, — диир Николаев.
