П. Гоголев слайааччылаах Ил Түмэн I сиэссийэтигэр «Сэрии оҕолорун туһунан» сокуону ылыннылар
Сокуон ис хоһоонугар сурулларынан, 1945 сыл балаҕан ыйын 3 күнүгэр диэри сокуоннай сааһын сиппэтэх дьоҥҥо 2019 сылтан ыла ый аайы 1000 солк. төлүөхтэрэ, сыл аайы босхо диспансеризация ааһалларын хааччыйыахтара, ону таһынан 3 сылга биирдэ СӨ иһигэр сонотуоруйга, куруорка сынньанар түгэннэригэр, ороскуоттарын 50 %-нын тулуйуохтара.
Бэлиэтээн этэр буоллахха, бу сокуону иккис аа5ыыга к6р6рг6 былааннаабыттара. Ол эрээри хас да дьокутаат сокуон тиһэх быһаарыныытын ыла охсорун туруорсан, 2019 с. Тохсунньу ыйыттан олоххо киириэҕэ. Чуолаан, Мария Христофорова уонна Виктор Губарев сокуон түргэнник киирэрин туруорустулар.
Онон, уопсайа 2646 киһи бу сокуонунан көмүскэниэҕэ. Социальнай көмүскэл минитиэритибэтэ сыаналыырынан, бу сокуон ороскуота 2019 сылга – 34,6 мөл., оттон 2020 сылга 32,3 мөл. солк. буолуоҕа. Үп-харчы министиэристибэтэ быһаарарынан, бу харчы өрөспүүбүлүкэ бүддьүөтүгэр эбии ыар баттык буолуо суохтаах. Сокуоҥҥа көрүллэр харчы сорох гражданнарга көрүллүөхтээх социальнай өйөбүл сарбыллыытын түмүгүнэн наарданыаҕа.
