Ил Түмэн пресс-сулууспата иһитиннэрбитинэн, спикер Александр Жирков уочарата суох пленарнай мунньаҕы ыытарга уураахтаабыт.
“Ыам ыйын 11 күнүгэр парламент спикерэ “Ил Түмэн бэһис ыҥырыылаах мунньаҕын отут алтыс (уочарата суох) пленарнай мунньаҕын ыытар туһунан” уураахха илии баттаата”,— диэн пресс-сулууспа иһитиннэрэр.
Уочарата суох мунньах ыам ыйын 22-23 күннэригэр ыытыллыаҕа. Туохтан сылтаан уочарата суох мунньаҕы ыыталларын туһунан иһитиннэрбэтэхтэр.
Санатар буоллахха, муус устар 27 күнүгэр икки сис кэмитиэт дьокутааттарын Александр Уаровы уонна Дмитрий Саввины улахан кээмэйдээх бэриги ылыыга уорбалаан дьиэтээҕи хаайыыга ыыппыттара.
