Көмүс хостуур Нордголд хампаанньа “Геовызов” аан дойдутааҕы геология II чөмпүйэнээтин успуонсардыыр уонна хампаанньа тэрилтэлэрэ үлэлиир эрэгийиэннэриттэн уонна дойдуларыттан бу идэлээхтэр күрэхтэһиилэригэр хамаандалар кытталларыгар көмөлөһөр.
Ол курдук, Нордголд өйөбүлүнэн чөмпүйэнээккэ Саха Өрөспүүбүлүкэтиттэн М.К. Аммосов аатынан Хотугулуу Илиҥҥи федеральнай университет устудьуоннарын хамаандата, оттон Гвинея Өрөспүүбүлүкэтиттэн Хайа уонна геология Бокетааҕы институтун устудьуоннарын хамаандата (Institut Supérieur des Mines et Géologie de Boké) кыттыыны ылыахтара.
“Нордголд хампаанньата “Геовызов” чөмпүйэнээккэ иккис төгүлүн кыттар. Күрэхтэһии кыттааччыларын географията биллэ кэҥээбититтэн биһиги олус үөрэбит. Бу ураты тэрээһин устудьуоннар геология идэлэригэр интэриэстэрин көҕүлүүр эрэ буолбакка, идэ престиһин көтөҕөр, ону кытта эдэр дьоҥҥо уонна кинилэри кэнэҕэскитин үлэҕэ ылааччыларга бэйэ-бэйэлэрин билсэллэригэр кыах биэрэр. Холобур, бастакы “Геовызов” чөмпүйэнээтин кыттыылаахтара быйыл Саха сиригэр баар тэрилтэлэрбитигэр быраактыкаларын барбыттара. Биһиги бииргэ үлэлээһин бу хайысхатын салгыы сайыннарар былааннаахпыт”, – диир Нордголд сүрүн геолога Наталья Чварова.
РФ сир баайын хостуур федеральнай ааҕыныстыбата Башкортостан Өрөспүүбүлүкэтин бырабыыталыстыбатын уонна уонна сир баайын уонна экология министиэристибэтин кытта иккис төгүлүн тэрийэн ыытар “Геовызов” чөмпүйэнээттэрэ геология хайысхалаах орто анал уонна үрдүк үөрэх кыһаларын устудьуоннарыгар анаан ыытыллар. Манна ыччаттар геологическай куонкурустарга, күрэхтэһиилэргэ, успуорт көрүҥнэригэр бэйэлэрин тургутуохтара, түмэллэргэ, экскурсияларга сылдьыахтара, геологияҕа ыытыллар сэминээрдэргэ уонна маастар-кылаастарга кыттыахтара.
“Геовызов” чемпионат быйыл балаҕан ыйын 2 күнүттэн балаҕан ыйын 9 күнүгэр диэри ыытыллыа.
Нордголд хампаанньа пресс-сулууспата.
