Бэҕэһээ, балаҕан ыйын 15 күнүгэр биир дойдулаахпыт, 53 саастаах Петр Захаров «Сидней марафона-2024» күрэхтэһиигэ ситиһиилээхтик кытынна. Ол туһунан @sport_yakutia телеграм-ханаал иһитиннэрдэ.
Марафоҥҥа барыта 19 727 сүүрүүк кытынна. Күрэхтэһии 32 кыраадыстаах куйааска буруолаах күҥҥэ буолла. Кини 42,2 км уһуннаах суолу 2:52:07 иһигэр сүүрэн кэллэ. Ол түмүгэр 50-54 эр дьоҥҥо 1044 киһиттэн 24-с миэстэни ылла. Марафон 26 кыттааччытын балыыһаҕа киллэрдилэр.
Онон, Петр Захаров испииһэгэр алта бөдөҥ марафон: Бостоннааҕы (муус устар, 2022), Берлиннээҕи (балаҕан ыйа, 2022), Нью-Йорктааҕы (сэтинньи, 2022), Токиотааҕы (кулун тутар, 2023), иккитэ Чикаготааҕы (алтынньы, 2021 уонна 2023) уонна Сиднейдээҕи (балаҕан ыйа, 2024) баар буоллулар.
Петр Захаров, аан дойду алта улахан марафонугар кыттан, «World Marathon Majors» толорор соруктаах. Манна Бостон, Лондон, Берлин, Чикаго, Нью-Йорк уонна Токио марафоннара киирэллэр. Көстөрүн курдук, киниэхэ билигин Лондон эрэ киэнэ тиийбэт.
Сонун төрдө: Спорт Якутии
