Кут диэн Таҥараианство сүрүн өйдөбүлэ.
Билигин Кут диэн тугун быһаарыаҕыҥ.
Айыы үөрэҕэр Кут туһунан уопсай өйдөбүл суох. Куту, холобур, Буор куту Тэрис «Итэҕэл тылдьыта» диэн кинигэтигэр «... бэйэтэ бороҥ дьүһүннээх кып-кыра үөн курдук» диэн быһаарар (30 с. көр). Билиҥҥи XXI үйэ киһитэ итини ылынара саарбах.
Түүр омуктарга Кут диэн өйдөбүл эмиэ баар. Кинилэр Куту тыыннаах эниэргийэтэ (жизненная энергия) диэн быҺаараллар. Оттон биһиги сахалар бөлөһүөкпүт Тумус Мэхээлэ Куту Олох Кутаата диир. Иккиэн араа-бараа бэртээхэй быһаарыылар.
Ити быһаарыыларга тирэҕирэн, Куту билиҥҥи наука хараҕынан көрөн:
Кут диэн биологическай бичиктээх (информациялах) эниэргийэ көрүҥэ (биоэнергоинформационная субстанция) эбит диэн быһаарарбыт оруннаах.
Итинник быһаарыы кэнниттэн оччоҕо Куппут ханна баарый? - диэн ыйытык үөскүүр.
Билигин ити ыйытыкка чуолкай хоруйу биэрэр кыахтаахпыт.
Куттар киһи удьуордааһына, ким-туох буолара барыта сурулла сылдьар ДНК мөлүөкүлэлэригэр уйаланаллар.
Итини кылгастык быһаарабыт. Биллэрин курдук, ДНК-ҕа биологическай информация баара дакаастаммыта ыраатта. Итини сэргэ, ДНК-ҕа наукаҕа биллэр даҕаны, биллибэт даҕаны эниэргийэ көрүҥэ эмиэ баар. Онон Куту биологическай бичиктээх (информациялах) эниэргийэ көрүҥэ (биоэнергоинформационная субстанция) эбит диирбит бигэргэнэр.
Чинчийэччлэр Биир ДНК мөлүөкүлэтэ биир хоромосуоманы үөскэтэр дииллэр. Хороосуома хаһа, ханна баара биллэр, уонна Дьахтар, Эр киһи хоромосуомаларын уратыта микроскопка үчүгэйдик көстөр. Онон Куттар киһи хоромосуоматыгар бааллар эбит диирбит ис хоһоон өттүнэн даҕаны, туттарга судургутунан даҕаны бары өттүнэн табыгастаах.
Киһи хас биирдии клетката 46 хоромомуомалаах.
Билигин хайа Куттар ханнык хоромосуомаҕа баалларын быһаарыаҕыҥ.
- Аҕа Кут – Эр киһи сиэмэтигэр, чуолкайа, сперматозоидын хоромосуоматыгар баар. Ити хоромосуомаларга Аҕа удьуорун эниэргийэтэ сурулла сылдьар.
- 2. Ийэ Кут – Дьахтар сымыытын хоромосуоматыгар уйаланар. Онно Ийэ удьуорун эниэргийэтэ баар.
- Буор Кут – Эт-сиин клеткаларын хоромосуоматыгар олохсуйар. Аҕа уонна Ийэ Куттара кыттыылаах Эт-сиин клеткаларын хоромосуомаларын холбоһук эниэргийэлэрэ. Киһиэхэ быһа холуйан 100 трлн клетка баар (геном), ол эниэргийэтэ. Киһи этин-сиинин клеткалара бары хоромосуомалаахтар, Аҕа уонна Ийэ куттаахтар.
- Салгын Кут – Мэйии нейроннарын хоромосуоматыгар баар, өй, билии-көрүү (информация) эниэргийэтэ.
Аҕа Кут Уол оҕо эрэ нөҥүө удьуордуур. Кыыс оҕо төрөппүт оҕотугар Кэргэнин Аҕа кута уйаланар буоллаҕа. Өбүгэлэрбит барахсаттар ону элбэх көлүөнэ дьону кэтээн көрөн билэр эбиттэр. Үгүс норуоттарга «Эр киһи сиргэ төрөөн Уол оҕолонуохтаах…» - диэн өйдөбүл биһиэхэ эрэ буолбакка үгүс норуоттарга эмиэ баар эбит. Ол иһин былыр былыргыттан Эр дьон Уол оҕолоно сатыыллара.
ДУУҺА ДИЭН ТУГУЙ?
Дууһа диэнТаҥара айбыт сайдыы программалаах Киһи голографическай макета (киэбэ) диэн быһаарыахха сөп. Наука өссө да билэ илик эниэргийэтин көрүҥэ – Таҥара эниэргийэтэ. Киһи Дьылҕата Дууһаҕа суруллар. Ону Таҥара суруксута (билиҥҥи өйдөбүлүнэн программист) Уһун Дьурантай бичийэр.
Айыыһыттар Дууһаны Эр киһи оройунан үрэн киллэрэллэр. Онтон Дууһа Эр киһи сиэмэтигэр - сперматазоидка киирэр. Дьэ ити кэмтэн ыла Эр киһини Дьалыҥ уонна Имэҥ Айыылар арыаллыыллар, онон Эр киһи ыксаан Дьахтар көрдүүр.
Кэлин оҕо үөскээтэҕинэ Дууһа клеткалар хромосомаларыгар ДНК балласт диэн ааттанар чааһыгар (гетерохроматиҥҥа) олохсуйар. Онон хас биирдии клетка Аҕа, Ийэ, Буор, Салгын куттаах уонна Дууһалаах.
Дууһа 4 Куту салайар, информацияны хомуйар соруктаах уонна Өлбөт үйэлээх.
Тыын диэн Дууһаҕа баар. Тыын салгын кислородун эниэргийэтин туһанар. Оҕо төрөөн салгыны эҕирийдэ да Тыын уһуктар, Оҕо Тыыннаах Дууһа буолар. Киһи тыыммат буоллаҕына Тыына Дууһаны кытары тахсан барар, оччоҕо өлөр, ону тыына быстыбыт дииллэр.
Киһи 4 кута көмөлөөн ууннан, аһынан-үөлүнэн, минералларынан, информациянан Дууһа киэбин толорон, эттээн-сииннээн, өйдөөн-санаалаан Киһини таҥан таһаарар.
