Аллараа Новгород Н. И. Лобачевскай аатынан судаарыстыбаннай университетын (ННГУ) пресс-сулууспата иһитиннэрбитинэн, учуонайдар Саха сирин олохтоохторо дойду атын регионун уонна европалыы чааһын олохтоохторунааҕар түргэнник кырдьалларын быһаарбыттар.
Чинчийиини Нижегородскайдааҕы үрдүк үөрэх кыһата М.К. Аммосов аатынан Хотугулуу-илиҥҥи федеральнай университеты уонна РАН Уфатааҕы федеральнай чинчийэр киинин кытта бииргэ ыыппыт. Учоунайдар Саха сирин олохтоохторун эттэрин-сииннэрин туругар тыйыс халлаан күүскэ дьайбытын быһаарбыттар. Ол курдук, улахан аҥаардара Арассыыйа европалыы чааһын олохтоохторуттан үс-түөрт сылынан аҕа буолан тахсыбыттар.
Учуонайдар кырдьыы тэтимин эпигенетическэй чаһы көмөтүнэн кээмэйдээбиттэр. Ол түмүгэр, сахалар геннарыгар эт-сиин тымныыга үөрэнэр, метаболизмы уонна кырдьыыны салайар үлэтигэр кэһиллиилэри булбуттар. ННГУ Чөл кырдьыы институтун салайааччытын солбуйааччыта Михаил Иванченко быһаарбытынан, «хотугу» киһи этэ- сиинэ тымныыны тулуйар эниэргийэни түргэнник үөскэтэр, ол эрээри бу үөрүйэх кырдьыыны түргэтэтэрэ сабаҕаланар.
Салгыы учуонайдар эт-сиин эрдэ кырдьыытын быһаарар чопчу ньыманы толкуйдуур баҕалаахтар. Кинилэр бу ньыма Уһук Хоту үлэлиир медиктэргэ туһалаах буолуо диэн эрэнэллэр.
Сонун төрдө: @mynnovgorod
