Киирии

Киирии

Алтынны 19 күнүгэр Хотугулуу-Илиҥҥи федеральнай университет делегацията Кытайга Харбиннааҕы Кэмбридж университетыгар официальнай сырыыта түмүктэннэ. Ол чэрчитинэн, университетар икки ардыларыгар бииргэ үлэлэһи Сөбүлэҥэ түһэрсилиннэ. Бу туһунан ХИФУ пресс-сулууспата иһитиннэрэр.

Дэлэгээссийэ Харбиннааҕы Кэмбридж университетын ректорын Цинь Чживейи кытары көрүстэ уонна устудьуоннар кампустарыгар экскурсиялаата. Онно омук устдьуоннарыгар туһуламмыт университет лабораторияларын уонна инфраструктураны кытары сиһилии билиһиннэрдилэр.

“Биһиги ханнык хайысхаларга бииргэ үлэлэһиэхпитин сөбүн ырытыстыбыт уонна ол түмүгүнэн Сөбүлэҥ түһэристибит. Харбиннааҕы Кэмбридж университета биһигини кытары үөрэх бырагырааматын оҥорорго бэлэмнээҕин биллэрдэ. Эһиил тылга атастаһыы бырагырааматын номнуо үлэлэппитинэн барыахпыт”, – диир ХИФУ Илиҥҥи институтун дириэктэрэ Ньургун Максимов.

Харбиннааҕы Кэмбридж университета чааһынай үрдүк үөрэх кыһата, Илиҥҥи Кэмбридж үөрэҕирии корпорациятыгар киирсэр. Кини Кытай 38 куоратыгар 163 үөрэх кыһатын үлэлэтэр (дьыссааттан саҕалаан үрдүк үөрэх кыһатыгар тиийэ). Штаб-кыбартыырата Пекин куоратыгар баар.

Тарҕат:

Ырытыыгын суруй

Защитный код
Обновить

Бүтэһик сонуннар