Олунньу 26-28 күннэригэр “50 лет Победы” спорт комплекска, “Стройиндустрия СЕВЕРА 2020. Архитектура. Строительство. Недвижимость” диэн эрэгийиэннэр икки ардыларынааҕы быыстапка номнуо 17-с төгүлүн ыытыллыаҕа. Манна 14 эрэгийиэнтэн 60 кыттааччы баар буолуоҕа.
Быйылгы быыстапка уратыта диэн, үс сүрүн салаалаах буолуоҕа. Ол курдук архитектура диэн салааҕа Дьокуускай куорат бырайыактарын көрдөрүөхтэрэ. Тутууга – саҥа матырыйааллары, ньымалары, өҥөлөрү, спецтиэхиньикэлэри, таҥастары көрдөрүөхтэрэ. Хамсаабат баай салаатыгар Дьокуускай уонна Новосибирскай куорат тутар хампаанньалара, риелтордара, бааннара баар буолуохтара.
Быыстапка бырагырааммата
Олунньу 26 күнэ
12:00 – Быыстапка үөрүүлээх арыллыыта.
14:00-16:00 – “Инновационные решения в строительстве республики” диэн тиэмэҕэ “төгүрүк остуол” ыытыллар. Буолар сирэ: “50 лет Победы” СК, Орджоникидзе уул, 28, 2 этээс, конференц-зал.
14:30-15:30 – Тутуу матырыйаалларынан уонна өҥөлөрүнэн дьарыктанар урбаанньыттарга аналлаах сибээс биржата тэриллиэ. Буолар сирэ: “50 лет Победы” СК, Орджоникидзе уул, 28, сүрүн сыана.
Олунньу 27 күнэ
11:00-14:00 – “Участие субъектов малого и среднего предпринимательства Республики Саха (Якутия) в развитии городской среды” тиэмэҕэ “төгүрүк остуол” ыытыллар. Буолар сирэ: “50 лет Победы” СК, Орджоникидзе уул, 28, сүрүн сыана.
14:30 – 15:40 – “Индивидуальное жилищное строительство в Республике Саха (Якутия)” тиэмэҕэ “төгүрүк остуол” ыытыллар. Буолар сирэ: “50 лет Победы” СК, Орджоникидзе уул, 28, 2 этээс, конференц-зал.
Олунньу 28 күнэ
14.00 – Быыстапка сабыллыыта, наҕараадалааһын.
Киириитэ босхо. Быыстапка 10.00-18.00 ч үлэлиир.
Сиһилии 8 (4112) 42-24-02, 42-24-19 эрийэн билсиҥ.
