Франция Биариц диэн куоратыгар баар улахан “особняк” дьиэ таһыгар уулусса аахсыйата буолан ааста. Бу дьиэни куорат олохтоохторо “Путин кыыһын дьиэтэ” диэнинэн билэллэр. Мустубут дьон “уоруйахтар, диктатордар, палачтар, масыанньыктар, сиэрдээх сууту уонна киһи быраабын күөмчүлээччилэр, биһиги куораппытыттан киэр буолуҥ!” диэн хаһыытастылар. Аахсыйа кыттыылаахтара Арассыыйаҕа буолар балыырдаах быыбары бойкуоттуурга ыҥырдылар.
Ити иннинэ суруналыыстар бу “особнякка” Путин кыыһа, 31 саастаах Екатерина Тихонова, олорор буолуон сөбүн туһунан суруйбуттара.
