Арассыыйа Киин быыбардыыр хамыыһыйата (ЦИК) кулун тутар 18 күнүгэр буолан ааспыт дойду бэрэсидьиэнин быыбарын официальнай түмүгүн таһаарда. Владимир Путин 76,69% куолаһы ылан эрэллээхтик кыайда.
Владимир Путиҥҥа Арассыыйа 56 мөл. 430 тыһ. 712 быыбардааччыта куоластаабыт. Иккис буолбут КПРФтан хандьыдаат Павел Грудинин 11,77% куолаһы ылбыт (8 569 206 куолас), үһүс – Владимир Жириновскай 5,65% куолаһы хомуйбут (4 154 985 куоластааччы).
Ксения Собчак 1,68% ылбыт (1 238 031куолас).
Дойду киин быыбардыыр хамыыһыйата быыбары “буолла уонна сөпкө ыытылынна” диэн билиннэ.
