Москубаҕа Саха сирин бастайааннай бэрэстэбиитэлистибэтин салайааччы – Ил Дархан уонна Бырабыыталыстыба дьаһалтатын салайааччытын солбуйааччы Юрий Куприянов “Биир ньыгыл Арассыыйа” праймериһыгар төрөөбүт Мэҥэ Хаҥалаһыгар утарсааччыларын ырааҕынан куоһаран кыайбыт.
Юрий Степанович Ил Түмэн саҥа ыҥырыылаах мунньаҕар спикер дуоһунаһыгар киирсэр санаалааҕын эппиттээх. Онуоха бастакы хардыыны эрэллээхтик оҥордо.
