СӨ Айылҕа харыстабылын министиэристибэтэ Саха сирин олохтоохторун кулун тутар 24 күнүгэр “Сир чааһа” аахсыйаҕа көхтөөхтүк кытталларыгар уонна биир чаас устата уоту арааралларыгар ыҥырар.
Аахсыйаҕа кыттарга кулун тутар 24 күнүгэр киэһэ 20 ч. 30 мүн. дьиэ эбэтэр тэрилтэ уотун, сырдатыытын биир чаас устата араарыах тустааххыт.
“Сир чааһа” – Айылҕа харыстабылын аан дойдутааҕы пуондата сыл ахсын ыытар экологическай аахсыйата. Бу аахсыйа чэрчитинэн, аан дойду улахан куораттарын биллэр-көстөр тутуулара чаас устата сырдатыыларын, уоттарын араараллар. Аахсыйа 2006 сылтан ыла ыытыллар, Арассыыйа аахсыйаҕа 2008 сылтан ыла кыттыспыта.
