Саха сирин бырабыыталыстыбатын бастакы солбуйааччыта Дмитрий Садовников брифинг кэмигэр баһаар балаһыанньатын билиһиннэрдэ.
Билигин өрөспүүбүлүкэҕэ 50 баһаар бэлиэтэнэр. Олортон 15 умуллараллар. Суукка устатыгар 6 баһаары умулларбыттар, 5 баһаары бохсубуттар. Онуоха 1247 киһи уонна 107 тиэхиньикэ үлэлиир. Баһаары умулларыыга 12 авиация тиэхиньикэтэ үлэлэһэр, 38 төгүл көтөн 300 туоннаттан тахса ууну ыспыттар. Билигин 8 улууска баһаары умуллараллар: Үөһээ Бүлүү, Бүлүү, Горнай, Кэбээйи, Мииринэй, Томпо, Уус Майда уонна Чурапчы улуустарыгар. Нэһилиэнньэлээх пууннарга уонна экэниэмикэ эбийиэктэригэр куттал суоһаабат.Баһаар балаһыанньата
