Амма өрүскэ уу таһыма муҥутуур кээмэйин аһарда. Сарсыарда 11 ч. туругунан, уу таһыма номнуо 1005 см. буолбут (муҥутуур таһыма – 925 см.). Бу туһунан бырабыыталыстыба бэрэссэдээтэлин солбуйааччы Алексей Колодезников иһитиннэрэр.
Амма сэлиэнньэтигэр номнуо 25 уһаайба ууга барбыт. Онно 50 киһи олорор. Билигин улууска ыксаллаах быһыы-майгы балаһыанньата http://kyym.ru/sonunnar/ajyl-a/780-amma-a-chs-billerilinne биллэриллэн турар.
Аммаҕа Дьокуускайтан оперативнай бөлөх бөртөлүөтэ туруммут. Кинилэр 500 кг курдук дэлби тэптэриини илдьэллэр. Лүөччүктэри кытары өрөспүүбүлүкэ нэһилиэнньэтигэр куттал суоһаабатын хааччыйар судаарыстыбаннай кэмитиэт бэрэссэдээтэлин солбуйааччы Дмитрий Лепчиков көтүстэ.