Мороду Арассыыйа да, Саха сирин да Кыһыл кинигэлэригэр киирбит көтөр. Бултаабыт дьон хас эмэ тыһыынча солкуобайга ыстарааптаныахтарын сөп.
Бу күннэргэ Ил Түмэҥҥэ буолбут “Бырабыыталыстыба чааһыгар” дьокутаат Владимир Прокопьев мородуну Кыһыл кинигэттэн таһаарар туһунан боппуруоһу көтөхтө.
“Кыһыл кинигэттэн таһаарар уолдьаста. Экология министиэристибэтэ онно туох былааннааҕый?” – диэн малтаччы ыйытта.
Мунньах кэмигэр тэрээһин кыттыылаахтара РФ Айылҕа харыстабылыгар министиэристибэтин Кыыл харыстабылын, булду туһаныы уонна булт хаһаайыстыбатын сайдыытыгар судаарыстыбаннай бэлиитикэ департаменын салайааччыта Татьяна Арамилеваҕа тахса сылдьыахха наадатын эттилэр. Хотун Арамилева араас кыылы-көтөрү Кыһыл кинигэттэн таһаарар улахан уопуттааҕа ахтылынна.
Онон, “муус хамсаата” диэххэ сөп.
Хаартыска – Иван АЯНИТОВ.
