Саха сирин олохтоохторо сыһыарыллыбыт балыыһаларыгар (поликлиникаларыгар) төрүүр-ууһуур кыахтарын бэрэбиэркэлэтиэхтэрин сөп. Босхо скрининг диспансеризация бырагырааматыгар киирбит.
Саха сиригэр “төрүүр-уһуур доруобуйаҕа уонна чөл туруктаах хат буолууга эппиэтинэстээхтик сыһыаннаһыы нэдиэлэтэ” саҕаламмыт. Доруобуйа харыстабылын министиэристибэтэ иһитиннэрэринэн, босхо чинчийиини 18 – 49 саастаах эр дьон да, дьахталлар да ааһыахтарын сөп.
Төрүүр-ууһуур кыаҕы бэрэбиэркэлэтиигэ маннык чинчийии киирэр:
Дьахталларга:
- Гинеколог-бырааска көрдөрүү;
- Эмиий былчархайын көрүү;
- Инпиэксийэ баарын тургутар мазок;
- Өттүк уҥуоҕун УЗИ-та;
- Эмиий былчархайын УЗИ-та.
Эр дьоҥҥо:
- Уролог-бырааска көрдөрүү;
- Спермограмма;
- Самах былчархайын УЗИ-та;
- Инпиэксийэ баарын тургутар мазок.
Бэй.кэр.
Хаартыска: agdp1.ru
