Бөлүүн Эдьигээн улууһун киинигэр, Ойуунускай уул. турар икки этээстээх дьиэ бүтүннүү умайда. Баһаар туохтан барбытын силиэстийэлиир бөлөх быһаара сылдьар. Сабаҕалааһын быһыытынан уоту сэрэҕэ суохтук туттуу түмүгэр тахсыбыт. Бу дьиэ 1991 сыллаахха тутуллубут, көһөрүү бырагырааматыгар киирэ сылдьыбыт. Туруга дьиҥэ ама эбит да, бу бырагыраамаҕа панельнай дьиэлэри бүтүннүү киллэрбиттэр. Хомойуох иһин, баһаарга дьахтар уонна эр киһи былдьаммыттар. Кыс ортото дьиэтэ-уота суох хаалбыт дьон аймахтарынан, билэр дьоннорунан тарҕаспыттар. Билигин Эдьигээн дьаһалтата кыһалҕалаахтарга көмөлөһөр суолу тобулар. Нэһилиэккэ үс күннээх кутурҕан күнүн биллэрдилэр.
Эдьигээҥҥэ дьон өлүүлээх баһаар
