Көлө борокуратуурата Усуйаана олохтооҕуттан суут көмөтүнэн саньытаарынай эриэйсэни көтүппүтүн иһин, ол ороскуотугар, 1,6 мөлүйүөн солкуобайы тутан ылла.
Ыстарааптаммыт киһи өссө 2024 сыллаахха билэр киһитин быһаҕынан анньыбыт. Улаханнык эмсэҕэлээбит киһини олохтоох миэдиктэр көрөн-истэн баран, саньытаарынай эриэйсэни ыҥырарга күһэллибиттэр. Инньэ гынан, ыарыһаҕы бөртөлүөтүнэн Усуйаанаттан Дьааҥы улууһугар тиэрдибиттэр.
Үөһэ суруллубутун курдук, кэлин Көлө борокуратуурата суукка буруйдаахтан ороскуоту толуйтарар ирдэбил сурук түһэрбит. Усуйаана суута ону бигэргэппит. Онон буруйдаах ботуччу сууманы төлүүр буолла.
Бэй.кэр.
Хаартыска: ВГТРК “Саха”
