Дьокуускайга 17 уонна 18 саастаах уолаттар наркотик тарҕатабыт диэн биирэ – 6, иккиһэ – 4 сылга хаайылыннылар. Бириигэбэр күүһүгэр киирэ илик. Бу туһунан СӨ борокуратуурата суруйар.
Үөһээ Бүлүүттэн төрүттээх икки уол бу саас олунньуга закладчиктаан харчы өлөрбүт диэн тутуллубуттар. Оҕолор тэрээһиннээх бөлөххө киирэн, кимнээҕэ биллибэт дьон ыйан биэрбит сирдэриттэн тиийэн ботуччу кээмэйдээх гашиһы ылбыттар. Ону үллэрэн-тыыран баран, Лонгинов уулуссатыгар кистээри түбэспиттэр.
18 саастаах уолу 6 сыл кытаанах эрэсиимнээх, оттон 17-лээх уолу 4 сыл иитэр холуонньаҕа уураахтаабыттар.
Оҕолор бириигэбэрдэрэ күүһүгэр киирэ илик, онон ааһыныахтарын сөп курдук эрээри, биллэрин курдук, судаарыстыба наркотикка сыһыана тыйыс, Онон мүччү туттараллара, болдьохторун кыччаталлара – саарбах.
