Дьокуускайга сири-буору аннынан боростутуукка өҥөтө силигилиир. Ол эрээри полиция үлэһиттэрэ кэмиттэн-кэмигэр анал эриэйдэлэри оҥорон “түүҥҥү түлүрбэхтэр” “кынаттарын” сарбыйаллар.
Ол курдук, кулун тутар 7-11 күннэригэр киин куоракка содур олохтоох, имэҥ өҥөтүн оҥорор дьахталлары уодьуганныыр анал эпэрээссийэ ыытыллыбытын түмүгэр, 10 путана тутулунна. Бэрэбиэркэ түмүгэр кэрэ куолар үгүстэрэ Алтаайтан, Краснодар кыраайыттан, Новосибирскайтан, Иркутскайтан, Амыр уобалаһыттан, Белоруссияттан, бэл, күннээх Узбекистантан кэлэн үлэлээн сыралаһа сылдьаллара быһаарыллыбыт. Кинилэри таһынан кыргыттары көлөнөн хааччыйар эмиэ тутуллубут уонна барыларыгар административнай боротокуол толоруллубут.
Бу туһунан ИДьМ Дьокуускайдааҕы салаатын пресс-сулууспата иһитиннэрэр.
