Дьокуускайга 38 саастаах дьахтар 9 саастаах кыыһын өлөрүүгэ уорбаланар. Кини кулун тутар 16 күнүгэр тимир чыскынан кыыһын кэрээнэ суох кыыллыы кырбаан өлөрбүт уонна өлүгүн тимир гараж анныгар кистээбит.
Барыллаан силиэстийэ быһаарбытынан, бу дьахтар Хабаров уулуссатыгар турар дьиэҕэ 9 саастаах кыыһын кырбаан өлөрбүт уонна өлүгүн кистээбит. Дьахтар тутуллубут. Кини өйүнэн мөлтөх буолан, Дьокуускайдааҕы психоневрологическай диспансерга учуокка турара биллибит. Билигин силиэстийэлиир уорган быһылаан төрдүн быһаарар. Дьахтарга психолого-психиатрическай эспэртиисэ оҥоһуллар. Силиэстийэ кэмигэр Дьокуускай куораттааҕы профилактика систиэмэтин дуоһунастаах дьонугар сөптөөх дьаһал оҥоһуллуоҕа.
