2016 сыл сайыныгар биэс эр киһи мустан арыгылаабыт. Ол олорон чугас табаарыстыылар этиһэн, бурайсан барбыттар.
Төрүөтэ – уорбаланааччыны табаарыһа “олус намыһах уҥуохтааххын” диэбит. Онуоха анарааҥҥыта өһүргэнэн өттүгүн туура түһэ сыспыт уонна сарайга тахсан 12-лээх сааны ылан, мустубут дьону биирдии-биирдии ытыалаабыт. Ол түмүгэр икки киһи быһылаан тахсыбыт сиригэр тута өлбүт, биир эчэйиилээх киһи балыыһаҕа киирбит, биирдэстэрэ куоппут. Бу туһунан өрөспүүбүлүкэ борокуратууратын пресс-сулууспата иһитиннэрэр.
СӨ Борокуратуурата Нам улууһун олохтооҕугар тэриллибит холуобунай дьыаланы бигэргэттэ уонна Үрдүкү суут көрүүтүгэр ыытта. Уорбаланааччы 20 сылга диэри хаайыллыан сөп.
