Киир

Киир

Массыыналара алдьанан суолга моһуогуран турар дьоҥҥо, Невер айан суолугар ким даҕаны тохтооботох.

Олунньу 28 күнүгэр, үс Нерюнгри куоратын олохтоохторо массыынанан Дьокуускайга туруммуттар. Аара суолга массыыналара алдьанан салгыы айанныыр кыахтара суох буолбут. Хайдах эмит гынан чугастыы нэһилиэнньэлээх пууҥҥа тиийэн иттиэхтэрин, көмө көрдүөхтэрин иһин, ааһан иһэр элбэх массыыналартан биир даҕаны тохтооботох. Төлөппүөннэрэ хам тоҥон хаалбыт. Таһырдьа кыраадыс отуттан тахса тымныы түспүт.

Тиһэҕэр, муҥ кыраайга тиийбит кыһалҕалаах айанньыттар суол ортотугар кутаа отторго күһэллибиттэр. Үс чаас устата сордонон, тоҥуу бөҕөнү тоҥон, кыл мүччү аҕыйах сөкүүндэҕэ төлөппүөннэрэ уот суоһугар ирэн ылбытыгар, ыксаллаах-быһыы майгы сулууспатыгар эрийэннэр көмө ыҥырбыттар.

Бу кэм тухары ааһан иһэр массыыналары илиилэринэн харса суох далбаатааһыннара, суол ортотугар кутаа, ааһан эрэр суоппардарга бу дьон чахчы сытыытык кыһалаҕаҕа кыпчарыйтарбыттарын туһунан санаа кыыма иҥэрбэтэх. Эбэтэр бэйэбит эрэ этэҥҥэ тиийдэрбит, бу дьон хайдах да буоллуннар диэбит буоллахтара дуу?

Хата быыһааччылар этэҥҥэ кэмигэр кэлэннэр, дьону уонна массыынаны Дьокуускайга тиэйэн илдьэ бардылар. Быыһааччылар баар буоланнар, аҕыйах чааһынан иэдээҥҥэ түбэһэ сыспыт дьон номнуо сылаас дьиэҕэ-уокка, кинилэргэ куттал аны суоһаабат сиригэр бааллара.

Тарҕат:

Санааҕын суруй