Варикоз диэн тымыр уунуутун, быһыыта уларыйыытын, сүһүрүүтүн ааттыыллар. Биллэрин курдук, варикоз ордук дьахтар аймахха тэнийбит. Онуоха кини ийэ буолар анала, олоҕун укулаата оруоллаах. Тымырга варикоз үөскээбитин хайдах билиэххэ сөбүн, эмчиккэ хаһан барар наадатын, хайдах эмтэниллэрин туһунан Дьокуускай куорат “Варикоза нет” килииньикэтин флеболог-бырааһа Алина Глухареваны кытта кэпсэттибит.
– Алина Николаевна, атах варикозтаммытын хайдах билиэххэ сөбүй?
– Өр хаамыыттан, биир сиргэ өр турууттан, олорууттан атах ыалдьар, киэһэтин испитэ биллэр. Атах тириитигэр үөскээбит тымыр сиэккэтиҥи быһыылаах синньигэс сурааһыннарын “кэсмиэтикэ” ньыматынан ылыллар. Варикоз үксүн бөтөҕөҕө баар буолар. Наар тура сылдьартан биитэр, төттөрүтүн, хаампаттан, а.э., атаҕы наар биир балаһыанньаҕа туттахха итинник буолар. Тирии аннынан көстөр тымыр 3 милимиэтиртэн уһаата да, бырааска барыахха наада.
– Варикоз тугунан кутталлааҕый?
– Бу – тымыр клапаннарын үлэтэ кэһиллиититтэн хаан сүүрүүтүгэр харгыс үөскүүрүттэн тэнийэр ыарыы. Тымырга хаан бөлүөхсэр, онтон сылтаан саҕаланар. Бөлүөхсүү бэрт кылгас кэм иһигэр үөскүүр уонна олус түргэнник сайдар. Итини оонньуу-көр курдук ылынар сатаммат. Тута бырааска көрдөрөр ордук.
– Варикоз хас сааскыттан баар буолуон сөбүй?
– Тымыр үлэтэ кэһиллиитэ сааһырбыт эрэ дьоҥҥо баарын курдук өйдөбүл баара. Кэлин ыарыы олус “эдэрсийдэ”. Сүрүннээн, хаампат, хамсаммат, бэл, 18–20 саастаах дьон ыалдьар түбэлтэлэрэ баар. Үскэл дьон эмиэ ити ыарыыга ылларар кутталлаахтар.
– Ыарыы үөскээбэтигэр туох ньыма баарый?
– Наар атахха сылдьар буоллахха эбэтэр сөмөлүөтүнэн көтөргө атахха компрессионнай чулкуну кэтиэххэ. Ону тэҥэ сөптөөх ыйааһыны тутар, сөбүгэр эт-хаан өттүнэн дьарыктанар наада.
– Варикоһу хайдах эмтииллэрий?
– Биһиги килииньикэбитигэр эмтэнии саҥа ньымаларын туттабыт. Ол курдук, хаан бөлүөхсүбүт сирин лазер көмөтүнэн суох гынан, хаан сөпкө сүүрэрин хааччыйыахха сөп. “Склеротерапия” диэн ньымаҕа тымырга “склерозант” диэн эттик киллэриллэр. Онтубут тымыры сырдатар, кэҥэтэр. Тымыр барыта биирдик эмтэммэт. Хас биирдиитигэр туспа ньыма наада. Үрдүк кылаастаах флеболог барытыгар туох, хайдах эмтэнии ыытыллыахтааҕын быһаарар.
– Ол хайдах быһыылаахтык барарый?
– Биһиги килииньикэбитигэр кэлбит киһи бастаан УЗИ хонтуруолунан чинчийиини ааһар. Эмтэнии анаммытын кэнниттэн туһааннаах анаалыстары туттарар, терапевка көрдөрөр, эпэрээссийэҕэ ааһарга көҥүл ылар. Эпэрээссийэҕэ анестезия туттуллар, биир эрэ чаас иһигэр оҥоһуллар.
Биһиги хас биирдии ыарыһахпытыгар Германияҕа оҥоһуллубут үчүгэй хаачыстыбалаах, компрессионнай наскы биэрэбит. Эпэрээссийэ сарсыҥҥы күнүгэр өссө төгүл чинчийэбит. Эпэрээссийэ 7, 45, 200 хонуктарыгар ыарыһахтарбытын хаттаан көрөбүт.
Улууска олорор дьон, ханнык кэмҥэ Дьокуускайга кэлэллэрин быһааран, күннэрин чопчулаһыахтарын наада. Хоту улуус дьонун кытта тэйиччиттэн да үлэлэһэбит.
“Кыым” хаһыат ааҕааччыларыгар флеболог-бырааска УЗИ-га түһүүлээх бастакы сырыы 2000 солк. оннугар 990 солк. буолар.
Бу аадырыска, нүөмэргэ биллэн, чуолкайдаһыҥ: yakutsk.varikozanet.org
+7 (4112) 31-90-19
Этот адрес электронной почты защищён от спам-ботов. У вас должен быть включен JavaScript для просмотра.
*Төлөбүрдээх матырыйаал
