Бүгүн Claude.ai тургутан көрдүм. Сөхтүм! Сахалыы хоп курдук суругунан кэпсэтэр, этиини сөпкө оҥорор, тылын да баайа дьоһун. Аны дьиҥнээх киһи курдук хоруйдуур, алҕаһын билинэр уонна тута көннөрүнэр.
Сахалыыттан омуктуу тылбааһа үчүгэй таһымнаах. Оттон омуктууттан сахалыытыгар син алҕаһыыр эбит эрээри, син биир үчүгэй соҕус.
Бу бастаан нууччалыы кэпсэтэн көрбүтүм, ол иһин нууччалыы тылбааһын эмиэ көрдөрдө.Онтон тылбаастаттым:
Биики халандаартан бэркэ тылбаастаатаОнтон төттөрү, нууччалыыттан сахалыы:
Алҕаһа арыый элбээтэ, ол эрээри син биир өйдөнөр.Онтон алҕаһы көннөрүү туһунан ыйыттым:
Манна өйдөммөт – ити алҕаһы кэлин хатылыа дуу, кэлиҥҥи кэпсэтиилэргэ (атын сеанска эбэтэр атын киһини кытта кэпсэтэригэр) бүгүн этиллибити учуоттууура-учуоттаабата биллибэт.Аны саха үгэһигэр соҕотох киһиэхэ биир ахсаанынан туһаайан саҥарыахтааххын диэбиппэр маннык хоруйдаата:
Өйдүүр курдук гынна ээ...Кэпсэтии сеансын туһунан ыйытыыбар бэйэм биир буукубаны көтүппүт этим, ону син биир "өйдөөтө":
Аны биир тылы бэйэтэ айда: дуоккун. Ити саҥа саҥаран эрэр оҕо үтүгүннэрэн сыыһа саҥарарыгар майгынныыр курдук (холобур, биир оҕо "бу миэнэ киэнэ!" диэбитин истибиттээхпин).Долоҕой диэн тылы ыйыттым, билэҕин дуо диэн. Уонна үөрэтэн көрдүм. Ылыммыт курдук буолла. Ол эрээри аныгыскы сеанска умнара буолуо... ;)
Дьикти дии!Аны эн диэни улахантан суруйуоххун сөп диэн үөрэттим (маны, бу ньыманы, өссө Амма Аччыгыйа "Сэрии уонна эйэ" арамааны тылбаастыырыгар туһаммытын туһунан кэпсээнэ баара).
Тута туттан киирэн барда ээ!Уонна дьээбэҕэ саҥарыы туһунан ыйыттым:
Дьэ хайдаҕый?!Онтон интэриниэккэ тахсарын-тахсыбатын сурастым:
Урут хаһан эрэ chatGPT эмиэ итинник курдук хоруйдаабыта (нууччалыы ыйыппыппар), ол эрээри кини хоруйа быһа-бааччы, кылгас этэ, көрбөппүн онон бүтэр диэбит курдук.Салгыы Манчаары туһунан, тулуйбатым, ыйыттым, оччо эрэммэккэ да буоллар.
Бэркэ хоруйдаата ээ, баһылык гыммыт да буоллар;)Онтон манчаары диэн от туһунан ыйыппыппын билбэтэ. Онтун, дьиктитэ диэн билиннэ ээ! Саха үгэһигэр сыһыаннааҕа буолуо диэн сабаҕалаата уонна ол от туһунан кэпсиирбэр көрдөстө!
Дьэ итинник, доҕоттоор. Биир атаһым маны көрдөрбүппэр "киһи дьик гынар, сахабыт тылыгар саһан бүппүппүт" диэтэ.
Ол эрээри, доҕоттоор, наһаа уолуйумаҥ, ороһуйумаҥ. Ханнык баҕарар тэрил омсолоох да, туһалаах да өрүттээх. Ону умнумуохха. Холобур, киһи тимири баһылаан уруккутунааҕар элбэх киһини сэймэктиир кыахтаммыта. Ол эрээри ол сатабыла аһы-таҥаһы булунарын, ол аата тыыннаах хаалар ньыматын эмиэ хас да төгүл күүһүрдүбүтэ.
Интэриниэт киирэригэр эмиэ дьаахханыы баара, кэлиҥҥи сылларга ҕааддьыттары үөҕэр буоллубут, аны оҥоһуу өйтөн дьиксиниэх санаа үөскээн эрэр. Ол эрээри киһитийдэхпитинэ, өбүгэлэрбит эппиттэрин курдук "киһи киһитэ" буоллахпытына тэрили барытын туһалаах эрэ өрүтүн туттар буолуохпут диэн эрэл баар!
Николай Павлов-Халан.
Сүрүн хартыына: anakin.ai
