Быйыл өрөспүүбүлүкэбит килбэйэр киинэ Дьокуускай куораппыт төрүттэммитэ 392 сыла туолар. Үгэс курдук, Куорат күнэ сыл аайы балаҕан ыйын иккис өрөбүлүгэр бэлиэтэнэр. Ол күн быйыл балаҕан ыйын 8 күнүгэр сөп түбэһэр.
Куорат күнүгэр былааннаммыт тэрээһиннэр, сүрүннээн, устуоруйаҕа, култуураҕа патриоттуу тыыҥҥа иитэр, сирдиир, үөрэтэр-биллэрэр хабааннаахтар. Мантан салгыы Куорат күнүн чэрчитинэн туох тэрээһиннэр ыытыллыахтарын билсиэҕиҥ:
Балаҕан ыйын 6 күнэ
12.00–16.00 А.Е. Кулаковскай аатынан Норуоттар доҕордоһууларын дьиэтигэр “Чэгиэн Дьокуускай” (“Здоровый Якутск”) дьаарбаҥка күүтэр.
Аадырыһа – Поярков аатынан уулусса 4-с нүөмэрэ.
14.15 Дьокуускай куорат баһылыга Евгений Григорьев киин куорат ытык кырдьаҕастарын Сүбэтин кытта көрсүһүөҕэ. Буолар сирэ – Куорат уокуругун дьаһалтатын дьиэтэ, аччыгый саалата. Билэргит курдук, Ленин бэрэспиэгин 15-с нүөмэригэр баар.
17.00 Дьолунан тосхойор Дьокуускай куорат төрүттэммитэ 392 сылыгар анаммыт үөрүүлээх быһыыга-майгыга ыытыллар уопсастыбаннас мунньаҕа тэриллиэ.
Буолар сирэ – Дьокуускай куорат уокуруктааҕы дьаһалтатыгар баар саала. Аадырыһа – Ленин бэрэспиэгин 15-с нүөмэрэ.
Балаҕан ыйын 7 күнэ
10.00–13.00 “Дьокуускай 4.0.0” пуорум.
“Дьокуускай – 400. Маастар-былааны олоххо киллэрии. Бастакы хардыылар” Дьүүллэһэр (дискуссионнай) былаһаакка тэриллэр.
Буолар сирэ: “IT-Куб. Якутск” Оҕолору сыыппараҕа үөрэхтээһин киинин аактабай саалата. Аадырыһа – Горькай уул. 98/1 нүөмэрэ.
12.00 Арассыыйаҕа Дьиэ кэргэн сылыгар сыһыаран, саҥа ыал буолар уонна кыһыл көмүс сыбаайбалаах дьону үөрүүлээх быһыыга-майгыга чиэстиэхтэрэ, эҕэрдэлиэхтэрэ.
Тэрээһин Киров аатынан уулусса 5-с дьиэтигэр үлэлиир Дьокуускай куораттааҕы ЗАГС управлениетын салаатыгар ыытыллыа.
15.00 Кыайыы пааркатыгар Куорат күнүгэр сыһыаран мас олордуута былааннанар.
Ону тэҥэ “Киин куорат күөх куубага” (“Зеленый кубок столицы”) куорат күрэхтэһиитин түмүгүн таһаарыахтара, кыайыы кынаттаммыттары онно наҕараадалыахтара.
Буолар сирэ: Өктөөп 50 сыла уулусса 8 Б нүөмэригэр түстэммит Кыайыы паарката.
- Орджоникидзе болуоссатыгар “Дьокуускай – Үлэ албан аатын куората” тэрээһин күүтэр.
12.00 «Куораппытыгар тапталы кытта» култуура, патриоттуу быһыы бырагыраама саҕаланар:
- “Дьокуускай кынаттыыр” куораттааҕы хаартыска күрэҕин түмүгүн таһааран, кыайыылаахтары наҕараадалыахтара;
- Арассыыйа пааспарын туттарыы үөрүүлээх тэрээһинэ.
- “Көхтөөх Дьокуускай!” Оҕо айымньытын дыбарыаһа
11.00 “Дьокуускай – оҕо саас куората” диэн эбии үөрэхтээһин тэрилтэлэрин бэстибээлэ буолар. Ол иһигэр киирсэр:
- кэнсиэр нүөмэрдэрэ;
- оҕолорго аналлаах интерактивнай оонньуулар;
- маастар-кылаастар;
- быыстапка.
Ф.И. Авдеева аатынан Оҕо айымньытын дыбарыаһа Киров аатынан уул. 20-тигэр баар.
- Култуура уонна сынньалаҥ пааркатыгар – “Кэлэр кэм куората – Дьокуускай!”
10.00–12.00 Уолаттарга, кыргыттарга куруос.
11.00–17.00 Оҕолорго аналлаах саататар-сэргэхситэр бырагыраама.
Балаҕан ыйын 8 күнэ
09.30 Куорат күнүгэр анаммыт бырааһынньыктааҕы мэлиэбэн. Преображенскай таҥара дьиэтиттэн Пётр Бекетов мэҥэ тааһыгар диэри кириэстээх хаамыы.
Буолар сирэ: Чернышевскай аатынан уул. Преображенскай кафедральнай таҥара дьиэтэ.
10.45 Нуучча айанньыта, бойобуода, Сибиири үөрэтээччи Пётр Бекетов мэҥэ тааһыгар сибэкки дьөрбөтүн ууруу.
11.00 Дьокуускай уобалас күбүрүнээтэрэ И.И. Крафт мэҥэ тааһыгар сибэкки дьөрбөтүн ууруу.
Буолар сирэ: И.И. Крафт аатынан искибиэр.
Кырдьаҕас куорат.
“Устуоруйалаах Дьокуускай!”
11.00 “Норуоттар доҕордоһуулара” ас-үөл бэстибээлин аһыллыыта.
“Сүрэхпэр да, ырыабар даҕаны – тапталлаах Дьокуускайым” норуот уус-уран айымньытын маастардарын анал бырагыраамата, “Зеленый город”, “Город профессий” эрэстэрээннэртэн – интерактив.
Олохтоох табаары оҥорооччулар астарын-үөллэрин дьаарбаҥката, атыы-тутуу.
14.00 Дьокуускай куоракка сүүрүөхтээх саҥа оптуобустар күлүүстэрин үөрүүлээх быһыыга-майгыга туттарыы.
Буолар сирэ: Хомсомуол болуоссата.
15.00-16.00 “Наш Якутск” уопсастыбаннай тэрилтэлэр бэстибээллэрэ.
Буолар сирэ: Орджоникидзе болуоссата.
17.00 Курскай уобалас олохтоохторугар көмө оҥорор сыаллаах «Курскай, эйигинниин бииргэбит!» Аһымал кэнсиэр.
Буолар сирэ: Хомсомуол болуоссата.
17.00–19.00 Алексей Гольдеров “Тёплай күөлгэ олус кутталлаах түрүүк” таһырдьа буолар шоута.
Балаҕан ыйын 9 күнэ
14.30 “Дьокуускай 4.0.0” пуорум.
“Дьокуускай – Аан дойдутааҕы криотуризм киинэ” стратегическай сиэссийэ.
Буолар сирэ: Ларионов аатынан уулусса 12 а “Н.Д. Неустроев аатынан SMART-бибилэтиэкэ» куораттааҕы киин бибилэтиэкэ,3-с этээһэ.
Балаҕан ыйын 10 күнэ
14.00 «Дьокуускай 4.0.0” пуорум
“Саха сирин киин куоратыгар тыл туоната” форсайт-сиэссийэ.
Буолар сирэ: Идэлээх сойуустар дьиэлэрин аактабай саалата, Курашов уул 2-гэр.
Балаҕан ыйын 13 күнэ
12.00 Балаҕан ыйын 8 күнүгэр күн сирин көрбүт кырачааннары дьиэлэригэр таһаарыы үөрүүлээх тэрээһинэ.
Буолар сирэ: Өрөспүүбүлүкэтээҕи килииньикэлии балыыһа Перинатальнай киинэ.
Балаҕан ыйын 2 – 14 күннэрэ
– Дьокуускай куораппыт төрөөбүт күнүгэр сыһыаран, киин куорат бибилэтиэкэлэригэр тиэмэлэринэн арааран, кинигэ быыстапкалара, куонкурустар, араас эгэлгэ оонньуулар, маастар-кылаастар ыытыллыахтара. (Хас биирдиилэрэ туһунан бырагыраамалаах).
– Ону таһынан үөрэх кыһаларыгар куорат устуоруйатыгар, биллэр-көстөр олохтоохторугар, тэрилтэлэригэр анаммыт кылаас чаастара, куорат устуоруйатын сырдатар уруоктар анал бырагырааманан былааннаммыттар.
– Куорат уокуруктарыгар уонна куорат кытыы бөһүөлэктэригэр эмиэ туһунан бэлиэ тэрээһиннэр, күөн күрэстэр буолуохтара, көхтөөх, үлэһит үтүөтэ дьоннорун чиэстиэхтэрэ-бочуоттуохтара.
– Куорат күнүгэр сыһыаран, түөлбэлэринэн киэргэтии, оҥостуу былааннаммыт.
Сонун төрдө: Дьокуускай куорат уокуруктааҕы дьаһалтата
Хаартыска: https://moiyakutsk.ru/
