Чурапчыттан ааҕааччыбыт Туйаара Осипова «Мунду шпрота» диэн бэртээхэй сокууска хайдах астанарын суруйан ыытта. Киниэхэ барҕа махтал!
- 1кг мундуну ыраас ууга сууйабыт, онтон төбөтун быһабыт, иһин ыраастыыбыт.
- 4 тутум луук хаҕын кытта 2 ч/нь хара сэбирдэх чэйи кутан оргутабыт.
- Ыраастаммыт мунду үрдүгэр 3 лавр сэбирдэҕин, 5 гвоздика, 5 хара биэрэс төгүрүгүн, 2 ч/нь туус, 1 ч/нь саахар уурабыт.
- Мундубутун тимир миискэҕэ дьаарыстаан, ыбылы сааһылаан угабыт. Бэлэм лууктаах, чэйдээх уубутун мундуну сабыар диэри үрдүгэр кутабыт уонна 1 чаас бытаан уокка оргутабыт.
- Оргуйбутун кэннэ 9% уксуһу 1 ч/нь, убаҕас буруону (жидкий дым ) 1 ч/нь эбэн кутабыт.
- Кыратык сойбутун кэннэ мундубутун таас бааҥкаҕа дьаарыстаан угабыт уонна мас арыытын саба кутан 30 мүн уу паарыгар оргутабыт. Барыта буппутун кэннэ кытаанахтык хапахтаан уурабыт.
Бэйэ аһын астанан, минньигэстик аһааҥ, чэгиэн буолуҥ!
