Кытай аҕыйах солкуобайдаах “DeepSeek” диэн оҥоһуу өйө “ChatGPT”-ны таһымынан сөхтөрдө. Эмиэрикэ уолуйда, оттон биһиги абыраныах чинчилээхпит.
Нейро-ситими үөрэтэр эбэтэр оҥорор олус ороскуоттаах диэн өйдөбүл баар эбит буоллаҕына, кытайдар обургулар ону тыһыынчанан төгүл чэпчэки сыанаҕа оҥорон таһаардылар. Хайдах оҥорбуттара – туспа боппуруос. Ааспыт нэдиэлэҕэ Кытай “DeepSeek” стартаба киэҥ дьүүлгэ тахсыаҕыттан, Эмиэрикэ баараҕай тэрилтэлэрин капитализацията күр гына сууллан түстэ. Холобур, “OpenAl” тэрилтэ “ChatGPT”-ны оҥороору уонунан миллиард дуоллары ороскуотурбут буоллаҕына, кытайдар баара-суоҕа 6 мөл. дуолларга оҥорбуттар. Аны туран, “ChatGPT” Арассыыйаҕа сүгүн-саҕын үлэлээбэт, оттон “DeepSeek” туох да хааччаҕа суох үлэлиирин ааһан, буор-босхо.
“DeepSeek” диэн тугуй? Бу – оҥоһуу өй (ИИ). Кини киһи сорудах биэрдэҕинэ талбыт омугун тылынан тиэкис суруйан биэрэр, тыһыынчанан араас ыйытыыга хоруйдуур, араас кыһалҕа тирээтэҕинэ сүбэлиир, көмөлөһөр. Уопсайынан, киһиэхэ көмөлөһөр бырагыраама.
“DeepSeek” дьон дьүүлүгэр тахсаатын кытта аан дойду ай-ти хампаанньалара оргуйа түстүлэр. Ааспыт нэдиэлэҕэ диэри ити курдук таһымнаах оҥоһуу өйү оҥорорго уонунан миллиард наада дии олорбут хампаанньалар аахсыйалара түстэ. Холобур, графическай ускорители оҥорор, GPU ырыынагар аан дойдуга тэҥнээҕэ суох “NVIDIA” хампаанньа 500 млрд дуоллары сүтэрдэ, аахсыйалара 14% түстүлэр. Атын да хампаанньалар хаалсыбатылар, элбэх харчыларын-аахсыйаларын сүтэрдилэр: “Майкрософт” премаркетка сыаналаах кумааҕылара 4,4% түстэ, Тайбааннааҕы “TSMC” – 8,3%, чиби оҥорор “ARM” – 8,2%, “Qualcomm” – 2,4%, Дьоппуоннар чиби оҥорор “Advantest” тэрилтэлэрэ – 8,6%, “Tokyo Electron” – 4,9%. Улахан хампаанньалар Кытайы атын харахтарынан көрдүлэр. Аны туран, кытай оҥоһуу өйүн үтүгүннэрэн оҥорор кода аһаҕас, ким барыта киирэн сүһэн ыларыгар хааччаҕа суох, босхо. Эбэн эттэххэ, “DeepSeek” тахсыан эрэ иннинэ Эмиэрикэ үс улахан хампаанньата – “OpenAl”, “SoftBank” уонна “Oracle” – кыттыһан “Stargate” хампаанньаны тэрийиэх, саҥа бэрэсидьиэн Дональд Трамп онно хаһан да көрүллүбэтэх элбэх 500 млрд дуоллары тыырыах буолбута.
КЫТАЙ ОҤОҺУУ ӨЙҮН ТУРГУТАН КӨРДҮБҮТ
Хойутаан да буоллар, тохсунньу 29 күнүгэр, кытай “DeepSeek” оҥоһуу өйүн биһиги эмиэ тургутан көрдүбүт. “Киһибит” сахалыы кырамаатыка, пунктуация, таба суруйуу быраабылаларын тутуһан бэркэ суруйар эбит. Сыыһата суох. Биллэн турар, арыый олуттаҕастык, “бааһынайдыы” эрээри, киһи тааҕы-таах өйдүүр гына. Бэйэҕит көрүҥ, сыаналааҥ.
Урут түһэн эттэххэ, “DeepSeek” хоруйуттан тугу да уларыппатыбыт.
Напиши статью на якутском языке редактору газеты “Кыым” про проблемы связи и интернета в селе.
Конечно! Вот пример статьи на якутском языке для редактора газеты "Кыым" о проблеме связи и интернета в селе:
“Кыым” сурунаал редакторыгар
Эһээ!
Мин аатым [Аатыҥ], [село аата] дэриэбинэттэн суруйабын. Бу суругу биһиги дэриэбинэҕэ баар ситим уонна интернет проблематынан билиһиннэрээри суруйабын.
Билигин биһиги дэриэбинэҕэ ситим уонна интернет туруга олус ыарахан. Бу проблема олохтоохтор олохторун туругун аҕыйатан, үлэни, үөрэҕи уонна сыһыаннаһыыны улаханнык мэһэйдитэр.
Интернет суох буолуута оҕолор үөрэхтэригэр улахан мэһэйдэри үөскэтэр. Элбэх оҕо онлайн үөрэххэ кыттар кыахтара суох, ол иһин үөрэхтэрэ хаалан хаалар.
Ситим суох буолуута үлэһиттэр үлэлэригэр улахан мэһэйдиир. Билигин элбэх үлэ онлайн быһыыга ыытыллар, ол иһин ситим суох буолуута үлэни кыайан ыытыллыбатыгар тириэрдэр.
Бу проблеманы быһаарыыга былаас уонна тэрилтэлэр кыһанан үлэлиэхтэрэ наада. Интернет ситимин кэҥэтии, ситим тутуутун тупсарыы уонна саҥа технологиялары киллэрии олохтоохтор олохторун туругун тупсарыахтаах.
Дэриэбинэ олохтоохторо бу проблема туһунан кэпсэтэн, былааһы кытта үлэлэһэн, быһаарыыны булуохтарын сөп.
Эһигиттэн бу проблема туһунан сурунаалга бэчээккэ тахсыахтаах материаллары бэлэмнээн, общественнай уонна салайар былаас өттүлэриттэн көмө көрдөһүүнү төрүттээһин наада. "Кыым" сурунаал биһиги дэриэбинэҕэ буолар түгэннэри кэпсээн, кыһалҕалары биллэрэн, көмө буолуохтаах.
Эһигиттэн эппиэтинэстээх сыһыаны уонна көмөнү көрдүүбүн.
Сүрүн түмүгүнэн, биһиги дэриэбинэ олохтоохторо эйэлээхтик, үтүөнү санаан, кэскиллээхтик олоруохтарын баҕарабын.
Улаханнык эрэнэбин,
[Аатыҥ]
[Көрсүһэр сирэ]
[Телефонуҥ]
Кылгас түмүк. “DeepSeek” дэриэбинэҕэ интэриниэт уонна сибээс туох суолталааҕын, кини суоҕа туох харгыстары-мэһэйдэри үөскэтэрин, кыһалҕаны быһаарар туһугар ханна этиниэххэ-суруйуохха, хантан көмө көрдүөххэ сөбүн туһунан толору “эппит-тыыммыт”, суругун “кэскиллээхтик олоруохтарын баҕаралларын” туһунан түмктээбит. Ол аата оҥоһуу өй ыйытыыбытын сөпкө өйдөөбүт. Бу – саҕалааһын эрэ. Аны аҕыйах сылынан киһи киһи курдук хоруйдуур буолуо диэн эрэнэбит.
Сэҥээриилэр