“Байдам” сурунаал быйылгы 1-кы нүөмэрэ таҕыста. Суруппут дьоҥҥо почтанан ыытылынна. Дьокуускай куоракка “Горпечать” киоскаларыгар уонна Бэчээт дьиэтин 111 каб. атыыланар.
Ааҕааччылары бастакынан Саха тэлэбиидэнньэтин “Тооку” ханаалын эдэр худуоһунньук-аниматора Виктория Кейметинова сахалыы ойуулук киэҥ эйгэтин арыйан сырдатара кэрэхсэтиэ. Ойуулук – оҕолорго кыраларыттан төрөөбүт тылларын иҥэрэр аныгы ньыма.
Иис-уус эйгэтин биир сүрүн хайысхата өбүгэлэрбит таҥастарын сөргүтүү буолар. “Сөргүтүү” айар түмсүүгэ сылдьар норуот маастардара сүрэхтэрин баҕатынан өбүгэлэрбит таҥастарын тигэн, араас омуктарга, дойдуларга тиийэ таһааран көрдөрөр үлэлэрэ эһигини сэргэхситиэ.
Хоту ыраах Булуҥ Күһүүрүгэр олорор эдэр иистэнньэҥ Ирина Корякина тикпит, оҕуруонан киэргэтиллибит кэрэ, намчы үтүлүктэриттэн, эриэккэс оһуордаах билэлэриттэн кэрэ аҥаардар харахтара уоттанарыгар саарбахтаабаппыт. Ыал аҕата Владимир Корякин кэргэнин ииһигэр анаан кииһи бултуур, хаартыскаҕа түһэрэн киэҥ эйгэҕэ таһаарар.
Интэриниэт ситимин үнүстүрүмүөн оҥостон, биисинэс саҥа көрүҥнэрин арыныан баҕалаахтарга Ньургуйаана Сутакова айар дьоҕуру сайыннарар “Сайын” устуудьуйатын холобура суольдут буолуоҕа.
Саха сайдам, тыа сирин хоһуун дьонун суольдут сулуһа “Байдам” сурунаалы атыылаһыҥ, сурутуҥ ааҕыҥ!
