Москуба к. TREND ISLAND универмагар муус устар 18 –19 күннэригэр апреля аан бастакытын Саха муодатын күннэрэ ыытыллыахтара. Тэрийээччилэр – СӨ Сайдыы корпорацията уонна Beinopen муода индустриятын института.
Тэрээһиҥҥэ саха дизайнердара киин сир истилиистэрин, эспиэрдэрин кытта көрсүөхтэрэ уонна креативнай экэниэмикэ сайдыытын туһунан кэпсэтиэхтэрэ. Сүрүн болҕомтону дойду киин куоратыгар атыыга тахсыахтаах өрөспүүбүлүкэ түөрт бренин Eikirie, Knit&Fit, SoCold, Sokolnikov аһаҕас биһирэмэ ылыаҕа. Итилэр бары СӨ Сайдыы корпорацията Beinopen институту кытта торумнаан саҕалаабыт «Модная программа: марки, фабрики, ритейл» акселераторын кыттыылаахтара буолаллар.
Корпорация дириэктэрэ Афанасий Саввин: «Биһиги саха дизайнердара Арассыыйа таһымыгар күрэстэһэр кыахтаах буолалларын ситиһэ сатыыбыт. Бу өрөспүүбүлүкэ креативнай экэниэмикэтигэр, култууратыгар уонна инникитигэр үчүгэй инбэстииссийэ буолар», — диэн бэлиэтээтэ.
Оттон Beinopen муода институтун төрүттээччи, эспиэр Алексей Баженов саха муодата күүстээх исписэлиистэринэн, ураты истиилинэн уонна ырыынакка эрэллээхтик тахсар кыаҕынан саха киинэтин курдук национальнай феномен буолар суолу тутуспутун тоһоҕолоон эттэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
