Бу – Аҕа дойду иккис сэриитин кэмин көрдөрөр оонньуу. Сүрүн дьоруойа – фашистыы Германия талабырдьыттарын утары киирсэр саха снайпера. Оонньуу персональнай көмпүүтэрдэргэ, быһа холоон, быйыл тахсыахтаах.
“Саха снайпер” үс түһүмэхтээх (бастаах). Ситиминэн элбэх буолан оонньуохха сөп. Баҕар, кэлэр өттүгэр онлайн оонньонор эмиэ гыныахпыт. Оонньуу сорох моделларын бэйэм оҥорбутум, сороҕун интэриниэт босхо ресурсаларыттан хачайдаабытым. Өссө даҕаны ситэрэрим-хоторорум элбэх. Соҕотоҕун оҥорор буоламмын, баҕар 2026 с. тахсыан сөп”, – диэн аатын этэртэн туттунар оонньууну оҥорооччу кэпсээтэ.
Кини этэринэн, “Саха снайперы” норуот ботуруйуотуу тыынын уһугуннараары оҥорбут. Бэйэтэ да бу курдук ис хоһоонноох оонньуулары сөбүлүүр үһү.
Yakutia24/Якутия24 матырыйаала.
