СӨ Биология ресурсаларын департамена кус-хаас сааскы айана саҕаламмытынан, сыллата ыытыллар кыталыгы ааҕыы аахсыйата буоларын туһунан иһитиннэрэр.
Бу күннэргэ ким баҕалаах, кыталыгы түбэһэ көрбүт анал анкыатаны толорон Биология ресурсатын департаменыгар ыытыан сөп. Анкыатаҕа кыталыгы хаһан көрбүккүт күнэ-дьыла, бириэмэтэ, чопчу сирэ, ахсаана, төһө ыраахтан көрбүккүт, баар буоллаҕына, хаартыската эбэтэр биидьийэтэ сыһыарыллыахтаах. Өскөтүн анкыатаны толорор кыах суох буоллаҕына, биидьийэҕэ устан, хаартыскаҕа түһэрэн ыытыахха сөп. Саамай сүрүнэ – информацияны учуонайдарга тиэрдиллиэхтээх.
Былырыын норуот аахсыйатын көмөтүнэн 14 улуустан кыталык айанын, ханна тохтоон-араан ааһарын туһунан иһитиннэрии киирбит. Информацияны уонна хаартысканы-биидьийэни маннык нүөмэргэ күүтэллэр: +7 964-429-43-43, Этот адрес электронной почты защищён от спам-ботов. У вас должен быть включен JavaScript для просмотра.
