СӨ Экологияҕа министиэристибэтэ 2026 с. сир аһа хомуллар болдьоҕун таһаарда. Министиэристибэ эппитинэн, айылҕаҕа харыстабыллаахтык сыһыаннаһар туһугар, улуус-улуус аайы туһунан күн-дьыл быһыллыбыт.
Сир аһын ыйыллыбыт болдьох кэм иһигэр эрэ хомуйар көмүллэнэр. Болдьоҕу кэспиттэр эппиэккэ тарыдыллыахтарын сөп. Ону таһынан, ойуурга-тыаҕа сылдьар дьон уоттан сэрэхтээх буолуу уонна сир аһын хомуйуу быраабылатын булгуччу тутуһуохтаахтар.
Маассабай дьэдьэннээһин от ыйын ортотун эргин саҕаланар. Холобур, Уус Алдаҥҥа уонна Чурапчыга от ыйын 10 күнүттэн диэн быһыллыбыт. Киин уонна илин эҥээр улуустарга ити кэмҥэ дьэдьэни сэргэ хаптаҕаһы, оттон ый бүтүүтүттэн сугуну үргүөххэ сөп.
От ыйын 20—25 күннэригэр Бүлүү улуустарыгар малина, морошко уонна хаптаҕас ситэр, онон үргүүр көҥүллэнэр. Муустаах байҕал кытылыгар уонна хотугу улуустарга ити болдьох 1—3 нэдиэлэ тардыллан саҕаланар. Онно сугуну сэргэ хаптаҕаһы от ыйын 20—23, морошканы – от ыйын 25—28, улаах отону – атырдьах ыйын 17—24 күннэригэр үргүүр көҥүллэнэр.
Сорох улуустарга өссө сыалаах мас (кедр) туорааҕын хомуйарга болдьох быһыллыбыт.
