Киһи мэйиитин оҥоһуута олус дьикти – бэрт кыра түгэн байҕал саҕа дириҥ өйү-санааны күөдьүтэн таһаарар. Ол иһин бу түгэҥҥэ сыһыана суох араас түмүгү оҥостоҕун. “Бүгүн туох туһунан кэпсээри оҥоһуннуҥ?” диир буоллаххытына, дьэ, маннык.
Соторутааҕыта “Якутскэнерго” тэрилтэни кытта быйыл күһүн “Ленские высоты” ЖК бастакы уочаратын тэхиниичэскэй өттүнэн холбуурга дуогабар түһэристибит. Кыһын манна тутуу ис үлэтин ыытар былааннаахпыт.
Бу үөрүүлээх түгэн өр сыллаах былааны оҥостор наадалааҕын өссө төгүл көрдөрдө. “Сөбүлүүр хаҥкыбын хайдах кэппиппин” бэйэм да билбэккэ хааллым – мэйии хайдах үлэлиирин, ону кытта уопсай тылы хайдах булар уонна дьоллоохтук олорор туһунан араас толкуйга түстүм. Ол туһунан саас-сааһынан.
“Сесть на любимые коньки” диэн нуучча өһүн хоһооно ис-иһигэр киирдэххэ, бэрт интэриэһинэй. Төттөрү ис хоһоонноох буолуон эмиэ сөбө эрээри, аһара толкуйдуур соччото суох, ону ааһан буортулаах. Чахчы, оннук, биһиги мэйиибит туһата суохха “үлэлиэн” баҕарбат.
Мэйии ортотунан 1,4 киилэлээх, ол эбэтэр киһи уопсай ыйааһыныттан 2 %-ны ылар, эниэргийэтиттэн 25 %-ны итиэннэ күүстээх хамсаныы кэмигэр кислородун 40 %-нын барыыр.
Киһи аймах эволюциятын хас эмэ мөлүйүөнүнэн сыл устатыгар эниэргийэ сүрүн источнигын – аһы – кытта “мөккүһэн” кэлбитэ. Мэйиибитигэр эниэргийэни харыстыыр ньымалар баар буолбуттара. Эниэргийэбит аһара баранаары гыннаҕына, мэйии бэлиэ ыытар, быыһыыр-өрүһүйэр аатыгар түһэр (бэрэпиэссэр С.В. Саввинов).
Ол иһин, холобур, оҕолор уруоктарын ааҕыахтарын баҕарбаттар. Ол оннугар иһит сууйуохтарын, көбүөр ыраастыахтарын сөп. Үчүгэйдик өйү “үлэлэттэххэ”, улахан киһи итини эмиэ өйдөөн кэлиэ.
Ол гынан баран толкуйтан ханна да куоппаккын. Дьээбэ-хообо курдук эттэххэ, биһиги Африкаҕа олорбоппут, банаан халлаантан (пальматтан) түспэт. Эбэтэр сахаларга “халлаантан ас кэлэн түһүө диэн айаххын атыма” диэн өс хоһооно баар. Аһара толкуйга түһэр эмиэ туох да үчүгэйэ суох, онтон аны төрүт тугу да толкуйдаабакка олорор эмиэ сатаммат. Аныгы кэмҥэ эниэргийэни сүрүн барааччы ас буолбатах эбит. Билигин неополит үйэтин кытта тэҥнээтэххэ, аспыт-үөлбүт төһө эмэ тубуста. Бэл, “Грибоедовтыы өй-санаа” (“Горе от ума” кэмиэдьийэ) – үүнэр-сайдар санаалаах Чацкай уонна консервативнай уопсастыба утарыта турсуулара – билигин суох. Уопсастыба социальнай өттүнэн биллэ уларыйда. Тиҥкинии сайдыбыт аныгы кэмҥэ эниэргийэни сүрүн барааччы – толкуй, санаа-оноо.
Э.Фромм “Искусство любить” трактатыттан бэргэн тылы тиэрдиэхпин баҕарабын: “Человек наделён разумом; он жизнь, осознающая себя; он осознаёт себя, других людей, своё прошлое и возможности, которые таит будущее”. Манна киһи Орто дойдуга сирдээҕи олоҕо кылгаһын, бэйэтин баҕатынан төрөөбөтө, өлөр өлүү эмиэ бэйэтин баҕатынан буолбата, соҕотохсуйууттан муунтуйуута, айылҕа күүһүн уонна уопсастыба хамсааһынын утары кыайан турбата этиллэр. Өскөтүн киһи тус санаатын тиэрдибэккэ, “иһиттэн” тахсыбакка эрэ атын дьоҥҥо кыайан илиитин уунар кыаҕа суох. Дьону кытта биир ситими олохтообот киһи силиһэ суох маска тэҥнээх. Бу олоххо тустаах миэстэтин, суолун-ииһин булбат. Соҕотохсуйуу айманыыга, санаа-оноо баттыгар тиэрдэр. Соҕотох киһи күүһүн толору арыйбат.
Манна биир эмп баар, ол – таптал уонна дьон-сэргэ ортотугар сылдьыы, нууччалыы эттэххэ, “коллективизм”. Аны когнитивнай психология аҕата Аарон Бек бэргэн этиитин суруйуум: “Цена выживания рода может равняться дискомфорту длиною в жизнь”. Ол аата, дьааттаах моҕойу кытта биирдэ көрсөрдөөҕөр быа быстыа диэн сүүстэ куттаммыт ордук. Биһиги мэйиибит инникини былаанныырыгар, кыаҕы таба көрөрүгэр эбэтэр кутталы сэрэйэригэр олоҕун суолугар “моҕойу” оҥорон көрөр. Ханна баар буолуон, хантан субуллан тахсыан сөбүн.
Ити курдук, биһиги куттанар-саллар аймалҕаммыт (тревога) 99 %-на суолтата суох. Балар ньиэрбэбит эниэргийэтин таах сииллэр эрэ. Кыһалҕабыт диэн, ол 1 % түрбүөммүт ханна баарын арааран билбэппит. Ол иһин суолталаахха да, суолтата суохха да барытыттан долгуйа-куттана сылдьабыт.
Киһи оҥоһуута итинник. Аһара санааҕа-онооҕо баттатаары гыннахпытына, бу түөрүйэни өйдүү биэрэрбит наада: биһиги кутталбыт 99 %-на туох да суолтата суох!
Үөрүөхпүт иһин, киһи аймах бу куһаҕан дьайыыны кытта охсуһарга араас ньыманы толкуйдуу сатыыр. Медитацияттан саҕалаан психотерапияҕа тиийэ. Булт-алт, балыктааһын, доҕору-атаһы кытта алтыһыы бэркэ көмөлөһөр. Олохпутугар төһөнөн үөрүү-көтүү элбэх да, соччонон санааҕа-онооҕо ылларбаппыт.
Гарвард университетын бэрэпиэссэрэ Артур Брукс пуормулата маннык: дьол = дуоһуйуу (наслаждение) + астыныы (удовлетворение) + сыал-сорук. “Ленские высоты” ЖК-ҕа бары өттүнэн табыгастаах усулуобуйаны хааччыйар саҥа кыбартыыраны атыылаһар түгэҥҥэ бу пуормула үс өрүтэ барыта хабыллар.
Биллэн турар, саҥа кыбартыыра атыыластыҥ да, толору дьоллоох буолаҕын диэн буолбатах. Ол гынан баран дьоллоох буоларга, бу олоххо тирэхтээх сананарга улахан хардыы буолар. Хампаанньа атыытын-эргиэнин отделын исписэлиистэрэ үөрэ-көтө сүбэлиэхтэрэ. Биһиги усулуобуйабытын сиһилии билистэххитинэ, саҥа кыбартыыра атыылаһарга баҕаҕыт өссө күүһүрүө, хараххыт уоттаныа диэн эрэнэбит.
*Застройщик ООО СЗ РП «Якутск». ОГРН 1021401050945. Строительство и продажи осуществляются в соответствии с Федеральным законом №214-ФЗ «О долевом участии в строительстве многоквартирных домов и иныхобъектов недвижимости». Проектная декларация размещена на сайте https://наш.дом.рф/. Не является публичной офертой. Акция «отделка под чистовую в подарок» действительна в период с 01.07.2026 г. по 31.08.2026 г. Вариант отделки "под чистовую"предоставляется застройщиком ООО СЗ РПЯ бесплатно, при условии оформления ДДУ в срок с 01.07.2026 г. по 31.08.2026 г. Акция «скидка до 9%» действует с 01.07.2026 г. по 31.08.2026 г. Кол-во квартир ограничено. Подробные условия акции уточняйте в отделе продаж (4112) 255-521 или на сайте www.lenskievisoti.ru
