Социальнай ситимҥэ AnxiousBerryWriter диэн хос ааттаах дьахтар суруйар. Кини Минор синдрома диэн дэҥҥэ көстөр ыарыылаах эбит.
Ол ыарыыга киһи ис кулгааҕын уонна мэйиитин икки ардынааҕы уҥуоҕа олус чараас эбэтэр суох буолар үһү. Ол түмүгэр, ыарыһах аһара чуор, тыаһы барытын истэ сылдьар буолан олус эрэйдэнэр эбит.
AnxiousBerryWriter: “Саамай хара накааһым – сүрэҕим тыаһа барабаан курдук битиргэччи тэбэн тыаһыыра, ол олохпун мэһэйдиир, түүн да сатаан утуппат. Тугу эрэ ыйыстарбар куолайым киһи сиргэниэн курдук тыаһы таһаарар. Тула өттүбүн көрөрбөр хараҕым эргийэр тыаһа син биир микрофону инчэҕэй тыҥыраҕынан тарбыыр курдук кычыгырыыр (ол уҥа-хаҥас, үөһэ-аллара көрөрбүтүгэр харахпыт эмиэ тыаһыыра дьикти эбит!). Хаамар тыаһым туһунан этэ да барыллыбат, сир дьигиһийэрин курдук лиһигириир”, – диэн кэпсиир.
