“Саха” НКИХ саҥа телевизионнай сезоҥҥа түөрт сахалыы сэрийээли таһаарыа. Онтон иккитэ номнуо уһуллан монтажтана сылдьар, иккитэ күһүҥҥэ диэри уһуллан бүтүөхтээх.
Хампаанньа генеральнай дириэктэрэ Олег Марков эппитинэн, дьон-сэргэ сахалыы тыллаах сэрийээли күүтэр.
“Медиа Хилс” ааҕыныстыба эриэйтининэн, сахалыы сэрийээл көстөр кэмигэр өрөспүүбүлүкэтээҕи ханаалы федеральнай ханааллартан элбэх киһи көрөр. Дьон дьоруойдары дьылҕаларын туһугар долгуйар”, -- диир Олег Марков.
Бастакы сэрийээл – “Сиэгэн суолун хайан” – дыраама уонна дэтэктиип жанрдаах. Манна Алексей Охотин диэн силиэдэбэтэл Дьокуускайга икки сүппүт кыыс дьыалатын чинчийэрэ, буруйдааҕы сонордоһоро кэпсэнэр.
Иккис сэрийээр – “Тапталы эрэйэр сүрэхтэр”. Сүрүн ис хоһооно: Кыыдаана диэн тыа атаах кыыһа төрөппүттэрин кытта кыыһырсан баран куоракка кырдьаҕастар дьиэлэригэр үлэлии киирэрэ көстөр.
Үһүс сэрийээл – “Күрүлгэн”. 2027 сылга тахсыахтаахтар. Режиссер – Марина Барашкова, сценарист – Катерина Григорьева-Кэрэмэс Сыдьаай. Сэрийээли Хаҥалас Улахан Ааныгар уонна Булгунньахтаахха уста сылдьаллар.
Төрдүс сэрийээл – “Сүрэх ыллыыр, сүрэх ытыыр”. Эмиэ 2027 сылга тахсыахтаах. Манна саха кыыһын уонна казах уолун киһи сүрэҕин таарыйар дьылҕалара, тапталлара көстүөхтээх. Киинэ Арассыыйаҕа норуоттар доҕордоһууларын сылыгар анаан уһуллубут.
